WELCOME TO CALIFORNIA

Hello Mitänand!!

Mr glaubts chum, aber mir meldet eus nach 3 Wuche au wieder mal!! Will mir ez halt imme unterwegs sind und vo eim Ort zum nächste reised, isch es amel chli schwierig eu alli ufem Laufende z'halte! Hend eus ez also endlich mal en Abig frei bhalte zum eu vo all eusne Erlebnis z'verzelle!!:-)) Viel Spass bim lese...&danke fürs inegügsle!;-))

1. August - 4. August 2013 - LAS VEGAS

Mir sind 5 Stund Flug vo Honolulu sind mr guet in Las Vegas ahcho..es hett eus aber zerst schier umghaue wills det soooooo heiss isch!! Sind eus ja eich d'Hitz gwöhnt vo Honolulu, aber in Las Vegas isch es 10x so heiss...!! Aber wend ja ned mötzle übers guete Wetter...hend mr nacher ide Schwiz bestimmt nüme!!;-))

Euse ersti Abig in Las Vegas isch de oberhammer gsie!! Mir hend eus alli chic gmacht..&eusi schönste Kleidli uspackt (d'Leandra und d'Miriam hend sogar extra na eis kauft am Namittag!!)..nachdem mr denn alli parat gsie sind, sind mr ines italienischs Restaurant ih eusem Hotel fein go z'Nacht esse..det hend mr denn au na de Patrick troffe, er isch im Moment au na am umreise und zur gliche Ziit in Las Vegas! Mir sind denn nacher z'5te in HAZE Club..das isch de Klub ih eusem Hotel (übrigens, de Name vo eusem Hotel isch ARIA)..schnell hend mr gmerkt, dass jungi guet kleideti Fraue da in Las Vegas sehr beliebt sind...mir sind denn all gratis inecho und hend ned müsse ahstah *jippiii* (de Patrick leider scho...) Mir sind denn im Club direkt empfange worde und sind zunere Lounge bracht worde wo scho alles ufem Tisch parat gstande isch..aso alkoholischi Getränke...mir hend denn gfunde münd ez mal frage wegem zahle vo all dem, will mr wend denn am Schluss ned müsse all euse Batze det liggelaah! Aber so unglaublich wies tönt, es isch ALLES gratis gsie...mir hend chöne so viel drinke wie mir hend welle (was mr denn au gmacht hend...haha!)...leider hett de Patrick ned chöne zu eus id Lounge cho, will das nur für Fraue isch...er isch denn darum wieder zrug is Hotel..! Mir hend de Abig aso in volle Züg gnosse und's wieder mal richtig krache laah!! Isch super mega lässig gsie&händs z'4tä richtig lustig gha!:-)) Nach dem Abig sind mr aber alli richtig dure gsie&sind froh gsie wo mr eusi höche Schueh hend chöne abzieeh&is Bett gheie!!...

Am nächste Tag hend mr denn darum zerst mal müsse uspfuuuuse..kenned ja bestimmt alli "der Tag danach" oder?!;-))) Am Namittag sind mr denn bi eus im Hotel an Pool gläge&hend eus gebräunt! Am Abig sind mr denn ines super schöns Restaurant Namen's "Top of the World" go z'Nacht esse mitem Patrick. Das isch sones Dreh-Restaurant wo mr über ganz Las Vegas gseht!:-) Hend eus richtig d'Büüch vollgschlage&es feins Glas Wii dezue drunke...! Nacher sind mr denn in XS NIGHTCLUB..das isch eine vode beste Klubs da in Las Vegas! Will mier hüt am Pool en Promoter kenne glernt hend, hend mr au ih dem Club ned gross müsse ahstaah&kei Ihtritt zahle...sooo guet!!:-)) Hett das mal aber leider kei Lounge und kei gratis Getränk meh gääh...aber isch glich en tolle Abig gsie mit super Music..&de Club isch wükli de absoluti Wahnsinn!!!!! Isch alles mega mega schön gmacht&dekoriert!:-) Sind aber alli vom Vorabig scho recht dure gsie..&sind denn darum ned ganz so lang bliebe!!

Am Samstig hend mr eus denn alli Hotels ahluege vorgnoo...sind de ganz Strip abgloffe und jedes Hotel go ahgügsle mit de Casinos und allem!:-) Isch also alles uf sini Art sehr ihdrücklich gmacht...aso lohnt sich uf jede Fall di Hotel go ahluege..sind denn im New York New York sogar na uf d'Achterbahn..hett eus aber leider meh de Nacke verspannt..aber Spass hetts glich gmacht!!:-) &selbstverständlich sind mr na is Casino euses Geld go verpülfere...d'Lärry und d'Miri hend ah dene Slot-Maschine ihres Glück probiert...aber leider ned wükli en Gwünn gmacht..! D'Leandra isch mit de Unterstützig vode Lynn go Roulette spiele...sie isch aber leider au nur mit ihrem ihgsetzte Betrag vo $100 wieder usecho...aso kei Verlust aber au kei Gwünn! Januu...mier hends uf jede Fall lustig gfunde und hend das uf jede Fall welle mache wenn mr in Las Vegas sind...isch ja au es MUSS, oder?!:-))

Ah eusem letschte Tag in Las Vegas sind mr denn euses Auto go hole..ab jetzt heisst nemli Auto düüüüse!!:-) Will mrs ned hend chöne laah, hend mr denn churzfristig na es Uprade gmacht...hend gfunde döffed eus scho mal so es tolls Auto leiste!:-)) hihii Mitem Auto hend mr eus denn also uf de Weg gmacht...mir sind denn in Las Vegas na inen Outlet go shoppe..aso natürli hend meh d'Lynn und d'Miri pöstelet..mir hend eus recht zrug ghebet! haha

Nacher hend mr eus  denn uf di langi Fahrt nach San Diego gmacht....

4. August - 8. August 2013 - SAN DIEGO

Nachere 7 Stündige Fahrt mit 2 Stunde Stau sind mr am 12ii ide Nacht endlich in San Diego ahchoo! Sind denn grad is Bett gheit&go pfuuse..! Am Mäntig sind mr denn am Morge grad is SeaWorld..isch mega schön gsie..vorallem d'Show mit de Orkas hetts eus mega gfalle!:-)) Hend eich fast de ganz Tag det verbracht...de Park isch grösser gsie als mr denkt hend..aber hett eus uu gfalle..sind denn öpe am 4ii fertig gsie und denn direkt na Mission Beach gfahre! Eusi Reisefüehrerin d'Lynn isch ja vor 3 Jahr bereits in San Diego gsie&hett darum alles scho kennt&eus chöne zeige! Am Mission Beach hend mr denn ali rasch es Powernapping heregleit..zzZZzzzz...richitg schön gsie ide Abigsunne am Strand ligge!! Nacher sind mr det im WaveHouse na go Esse und sind denn au scho zrug is Hotel! Hend im Hotel nachli UNO gspielt und Seich im Chopf gha...uf jede Fall hend mr de ganz Abig glached!!! haha

Am Zischtig sind mr denn de ganz Tag im San Diego Zoo gsie...de isch mega gsie!!! Isch wunderschön gmacht..&es hett Panda-Bäre det...sind sogar 30 Minute ahgstande will mr diä hend welle gseh!! Am Namitag sind mr denn na uf La Jolla...det hend mr eich welle Seehünd go ahluege..d'Lynn hett ebe verzellt, dass bi ihre det amel de ganz Beach volle Seehünd gsie seg..aber leider sinds ned det gsie..vermuetlich sind zu dere Jahresziit ame andere Ort..*oooch*! Janu..viellicht gsehnd mr uf eusere wiitere Reis ame andere Ort mal na..!:-) Nacher sind mr denn na is Horton Plaza go shoppe...d'Miri&Lynn wend nöd mit leere Köffere wieder hei reise!!:-)) Det sind mr denn am Abig au na grad is Kino...eimal meh!!

Am Zischtig hetts denn eimal meh Shopping gheisse...mir sind is Fashion Valley..das isch au so e Shopping-Mall..!:-) Am Abig sind mr denn ines italienisches Restaurant go z'Nacht esse&nacher na öpis go trinke..&Shisha rauche!:-) Hend also en richtig gmüetliche letschte Abig mit eusne zwei Ladys gha..! Am Dunnstig hend mr denn na de Morge in Downtown verbracht und hend denn scho bald d'Miri&Lynn an Flughafe gfahre...*heeeeeul*!! Denn ehtts denn gheisse Bye Bye säge...aber nur für ä churzi Ziit, sind ja scho bald selber ufem Heiweg! Hend die zwei Wuche mit ihne aber mega mega gnosse..&isch richtig schön gsie sie um eus ume haa&so viel schöni Sache chöne zäme erlebe!! Danke viel mal dene zwei für di tolli Ziit...mir wäred eu vermisse!!!!!!!:-((((

Wieder uf eus allei gstellt hend mr denn di letscht Nacht na allei im Zimmer in San Diego verbracht...am Fritig Morge hetts denn gheisse back nach Las Vegas..!

8. August - 11. August 2013 - LAS VEGAS

Mir sind ned zrug na Las Vegas will eus di 6 Stund Fahrt so guet gfalled...neii...mier hend unbedingt na welle de Grand Canyon go ahluege..&leider z'wenig Ziit gha vorher!! Am Fritig Mittag sind mr denn in Las Vegas ahcho und den Namitag na am Pool verbracht...! Am Abig sind mr denn Cirque du Soleil go luege..isch e mega tolli Show mit absolut ihdrückliche Bühnebilder!!!:-)) Am Samstigmorge sind mr denn vo eusem Shuttle abgholt worde für de Grand Canyon...mir sind mitem Helikopter direkt in Canyon inegfloge! Isch mega schön gsie alles chöne vo obe ahluege&sogar chöne im Canyon ine lande!! Det hend mr denn es chlieses Picknick becho...&all di faszinierende Ihdrück chöne gnüsse!! Isch aso es mega Erlebnis gsie mitem Heli chöne det here flüüge...hett sich definitiv glohnt!:-) Am Abig sind mr denn fein go z'Nacht esse...&nacher in Hakkasan Club de Tiesto go lose!!!! Das isch eine vode bekanntiste DJ's..&ihn hend mr eus definitiv ned welle entgaah lah...isch mega gsie!!!:-))) Jaa...es hett sich also definitiv glohnt nomal zrug nach Las Vegas cho...gfallt eus richtig guet daa!!:-))

11. August - 15. August 2013 - LOS ANGELES

Am Sunntig morge hetts denn gheisse Wiiterfahrt nach Los Angeles..nach chli meh als 5 Stund Fahrt sindmr denn ahchoo..! Am Abig sind mr denn (wieder mal nach laaanger Ziit..) id Cheesecake Factory go z'Nacht esse!:-) Nach dem guete z'Nacht hend mr nanig welle go pfuuse..darum sind mr denn na is Kino..hend aber ned gmerkt, dass das es speziells Kino isch...und zwar isch das es Dine-In Cinema wo mr chan z'Nacht esse! Leider hend mr ja scho gesse gha..darum münd mr unbedingt nomal gaah&da esse!! Isch ja ned so als währed mr ned scho gnueg im Kino gsie, gell?! hahaha

De Mäntig hend mr ide Universal Studios verbracht...hett eus aber ned wükli überzoge...aso es isch scho lässig gmacht&ihdrücklich mal so Kullisene gseh&alles...aber für de Priis ($80/Person) isch ned wükli viel boote..hett au kei Achterbahne sondern nur so 3 oder 4D Kinos wo eus sowieso ned so gfalled..sind also bizeli enttüscht gsie! Januu..hends s'beste drus gmacht..! Ahja, es chlises Misgschick isch eus det au na passiert...d'Larissa hett ihres Portemonnaie vergesse und d'Leandra hett kei Bargeld meh gha...d'Lärry hett denn en Bretzel welle und wo d'Leandra hett welle zahle isch leider ihri Kredikarte nüme gange!!!! Uuuups...mir hend denn ahgfange all euses Münz zemmesammle demit mr de Bretzel hend chöne zahle..will d'Larissa scho driibisse hett isch nemli au mit zruggäh nüt meh worde...haha..nachdem mr öpe 5 Minute euses Geld zemekraamt hend, hett d'Kassiererind denn gseit es seg ok mir chöngeds sii laah...hend denn also ned müsse zahle...isch eus aber gar ned wohl  gsie! Das hett aber au gheisse, dass mr bis mr zrug sind nüt meh chönd poste..hend eus denn also hungrig&durstig welle uf de Heiweg mache...aber so wie Fraue halt sind...hend mr nüme gwüsst wo mr s'Auto parkiert hend...hend denn also im 1. Stock une ahgfange und hend Stockwerk für Stockwerk abgsuecht...ja wie mr sich chan vorstelle, isch s'Auto denn im oberste 6. Stock gsie...aiaiaiii...hend eus selber denn rasch müsse uslache..&hend eus denn  aber schnell uf de Heiweg gmacht! Am spötere Namitag sind mr denn na an Venice Beach..&det nachli de Promenade entlang gloffe..det hetts so richtig typisch en Muscle Beach  wo mr ufpumpti Manne obe ohen gseht am trainiere..haha...sehr witzig gsie! &au suscht isch de Weg am Venice Beach sehr witzig gmacht mit all dene chline Lädeli..&es hett sehr viel kurligi Lüüt det..aber das sind mr eus ja langsam gwöhnt! Was mr leider ned gseh hend, sind diä Fraue ide Short wo am Rollerblade sind...so wie mrs ide  Film immer gseht...aber janu!:-) Am Abig sind mr denn an Santa Monica Pier go z'Nacht esse...das isch richtig schön gmacht det&hett au so Lädeli und sogar es restaurierts Karussell und suscht na paar so Bahne..!:-)

Am Zischtig Morge sind mr denn im Mel's Drive In in Hollywood go z'Mörgele..das isch sones typisches amerikanisches ihgrichtets Restaurant..nacher sind mr denn grad Beverly Hills&de Rodeo Drive go ahluege..&sind denn efach na de Hügel uf gfahre..immer de Villene naah...&det denn grad na s'Hollywood Sign go ahluege!:-)) Münd also scho sege, di Promis da lebed also definitiv ned schlecht...isch wunderschön uf dem Hügel&hett also sehr schöni Hüsli daa wo sich's sicher guet lebe laht!:-) hihii Am Abig sind mr denn also wie gseit nomals is Dine-In Cinema..aber das mal natürli go z'Nacht esse..!:-)) s'beste ah dem Kino isch aber, dass mr chan Popkorn jederziit wieder uffülle laaah!! *jeeeeeh*...was gits bessers für so zwei Popkorn-Liebhaber wie mier zwei!xD hend also en perfekte Abig im Kino verbracht!!:-))))

Am Mittwuch ich den de Six Flags Park ufem Programm gstande..das isch so en Park wie de Europapark..mit alles so Achterbahne&allem mögliche!:-) Mier hend aber nach de zweite Bahn aber schnell gmerkt, dass mr das gerumpel au nüme so guet verträäged wie vor 10 Jahr..!! haha sind amel froh gsie wenn die Fahrte ume gsie sind&mier us dene Bähndli hend chöne...!! Hend eus aber dur di 5 beste Bahne kämpft und die gmacht!! Richtig stolz sind mr gsie...nacher hend mr aber müsse ufgääh..suscht wers denn ned guet cho!! hehe Ahh..&hend sogar öpis glernt us eusem Dilemma-Parking vor zwei Täg..hend das mal es Foti gmacht vo eusem Standort vom Auto..hend das mal aso au euses Auto schnell wieder gfunde!!!:-))) Olééé...!! haha Am Abig sind mr denn im Zimmer bliebe und hend eusi Köffere neu packt und alles wieder mal chli ufgruumt...

15. August 2013 - NEWPORT

Mier hend eus entschiede, will mr so viel Ziit hend, zerst nachli abwärts Fahre und sind darum nach Newport und hend det na 1 Nacht verbracht! Sind ufem Highway 1 abegfahre..aso alles de Küste entlang..&sind ah wunderschöne Stränd verbiigfahre&hend teilwiis au ahghalte...Manhatten Beach...Seal Beach...Sunset Beach...Hunington Beach (det hend mr sogar na Delfin gseh!!)...Laguna Beach...&Newport Beach...!! Hett also wükli sehr schöni Stränd wo sich's uf jede Fall wür lohne ahhalte..!:-) Am Abig sind mr denn in Newport na fein go z'Nacht esse..!!:-

16. August - 18. August  2013 - SANTA BARBARA

Die nächste 3 Täg hend mr in Santa Barbara verbracht..! D'Farht vo Newport nach Santa Barbara isch aber au wunderschön gsie...alles wieder am Highway 1 de Küste entlang..!! Isch aber leider teilwiis sehr bewölkt gsie..darum hett mr amel ned so schön uf s'Meer use gseh...aber isch glich sehr schön det chöne entlang faahre!:-) in Santa Barbara ahcho sind mr denn det am Nami nachli an Strand gläge&hend d'Sunne gnosse! Am Abig sind mr denn ad State-Street go z'Nacht esse..das isch eich d'Hauptstrass vo Santa Barbara...&isch wükli absolut schön!!! Santa Barbara isch so chli im südeuropäische Stil errichtet..aso erinneret sehr ah Spanie&Italie...&es isch es super schöns Ambiente det wo mr sich grad wohl fühlt...&richtig in Feriestimmig chunt!!:-)) Isch eusere Meinig nah, eine vode schönste Orte wo mr ade West Coast bis ez gseh hend..!:-)) &es laht sich definitiv au seeeehr guet shoppe daa...hend wieder mal richtig vollgas gääh..aber es hett efach so tolli Läde daa wo mr als Frau efach ned chan nei säge!!! Tztztzz...!:-)) Hend di 3 Täg aso grössteteilts ide State-Street verbracht...&sind au na an Pier füre wos au sehr schön isch...&an Beach!:-) &wie ihr eu chönd vorstelle...natürli au is Kino!!! hahaha

Aso Santa Barbara hett alles was mr bruucht zum schön Ferie mache...!:-)

19. August 2013 - SANTA CRUZ

Am Mäntigmorge hend mr eus denn uf de Weg nach Santa Cruz gmacht..!  Mier hend öpe 6 Stund gha..&natürli wieder alles de Coast nah gfahre!:-) Isch e wunderschöni Fahrt gsie de Küste entlang...hend absolut beidruckendi Stränd und Klippe gseh und öpe mal ahghalte zum die schön Ussicht gnüsse&festhalte!:-) Isch teilwiis aber leider immer biz bewölkt gsie..aber hend glich hi und da es Örtli gfunde wo d'Sunne gschiint hett...! Und hend sogar na Seeelefante gseeeeh....das sind die riesegrosse fette Robbe oder ebe Seeelefante wo immer fuuul am Strand ligged!!!:-)) Isch recht witzig gsie...&isch schön so Tier chöne beobachte ide freie Natuur!:-)) Sind denn ufem wiitere Weg na en feine Salat go esse..sind z'mitzt im Wald inegsesse umgääh vo Bäum...isch mega schön gsie! hehe

In Santa Cruz ahcho hend mr denn nüme viel gmacht...isch leider au ned so tolls Wetter gsie&sind darum denn im Hotelzimmer bliebe..tut eus ja au mal guet wenn mr chli chönd abefaaahre!;-)) &hend denn Santa Cruz am nächste Morge bevor mr wiitergfahre sind na chli ahluegt..hett det so en Boardwalk wos au so chlini Bahne und Karussell hett&soo..direkt am Strand..!:-)) und sind mitem Auto efach na bizeli dur s'Städli düüüsed..isch alles chli verträumt da hend mr gfunde..aber passt alles so da here wies isch!:-)

Nacher hend mr eus denn uf d'Fahrt nach San Francisco gmacht...uf dem Weg hend mr wieder unglaublich schöni Ort gseh wo mr am liebste bliebe währed!! Hend nach Santa Cruz eigentlich na en Ort gsuecht wo mr ime Film gseh hend...Chasing Mavericks...das isch en Surferfilm wo mr in Kauai mit de Lynn&Miri gluegt hend...det hends so riese  Welle zeigt wo bis zu 25 Meter höch sind...&di hend mr eich welle go ahluege...leider hend mr de Ort aber ned wükli gfunde..&sind denn darum efach na anen Beach gläge..hend denn aber gmerkt, dass die Welle ah dem Strand au recht höch sind..teilwiis sicher bis zu 5 Meter höch..&es sind denn sogar na es paar Surfer choo! Sind denn 2 Stunde am Strand gläge&hend dene Surfer zuegluegt...isch recht beeidruckend was für riese Welle die schaffed...oder wenns es amel au ned schaffed, wie dass es verrüert!! &hend sogar na Delfin gseh wo wenigi Meter hinder de Surfer duregschwumme sind...efach mega gsie das alles z'gseh!:-)) Isch eus denn aber irgenwenn z'chalt worde, wills au det recht bewölkt gsie isch und s'gwindet hett..!! Also ez ab nach San Francisco...

Sooo das wers gsie vo eusne erste knapp 3 Wuche ade West Coast!:-)) Mier erlebed mega viel schöni Sache daa...&gsehnd so viel schöni Ort&Stränd wo efach nur wunderschön sind! Sind also richtig beidruckt vo all dene Ort und gfallt eus mega mega guet daa..&hoffed mir gsehnd&erlebed na me so tolli Sache!!:-))

Danke eu allne viel mal fürs inegügsle&mitlese!!:-) Hoffed ihr chönd so chli ah eusne Erlebnis teil haa!

Wünsched eu e super Ziit...&mir werded eus bestimmt am Endi vo eusem Trip nomal melde zum na alles verzelle was ez na vo eus staaaht!!:-))) Bis bald&macheds guet!

Grüässli vode wunderschöne West Coast

Larissa&Leandra

PS: d'Föteli folged denn na ide nächste paar Tääg...!:-))

ALOHA KA HOALLOHA (liebe Freunde)

ALOHA!!:-))

Richtig fliessig sind mr da mit eusem Blog...hend ihr defür nüme ganz eso riese Romään zum lese aber defür immer wieder mal chli öpis!!:-))

Sonntag, 14. Juli 2013 - PANCAKES

Will hüt de letschti Tag vom Patrick gsie isch, hend mr für ihn es riese z'Morgebuffed organisiert...! Hend selber Pancakes gmacht mit allem drum&dra..Erbeeri, Banane, Nutella, Konfi und und und..! Hend eus richtig d'Büüch voll gschlage...!!:-)) vorher hend mr na z'dritte (Leandra, Larissa, Lea) skyped mit de Anina!!:-))

Mit vollgschlagne Büüch sind mr denn an Strand...vermuetlich meh grugelet als gloffe!! haha aber isch soo super fein gsie...mached mr darum bestimmt wieder mal!! hihiii

Hend denn den ganz Namittag am Amy Beach verbracht...de Chrigi und de William sind denn au na det gsie! Hend denn am Schluss na es halbs Fotoshooting verastaltet...aber isch recht witzig gsie!! Vorallem will mr jetzt immer de Lärry ihre Skydive-Move bringed!! SIe hett ebe bim Skydive immer ihri Ärm so luschtig gha..münd luege uf de Fotis..!!;-)) d'Manne hends natürli au gnosse mit 4 Ladys ufme Strandfooti sii..!! Hend es riese Fest gha!!:-)) haha

Am Abig sind mr denn all zeme dune im Hotel go grilliere...hett det ganz viel so grossi Grill wo mr döff benutze..isch mega lässig!! Bi eus hetts Salat, Pouletschenkeli und Zugetti gääh (ja eimal meh Zugettii!!)...isch uuuu fein gsie!!:-)) Hend nacher det vorne usse au namal es halbs Shooting organisiert&ganz viel Fotis gmacht..!! Hends aso mega mega lustig gha&de Abig mit allne richtig gnosse...&viel glachet!! Nacher sind mr denn alli na zude Leandra uf de Lanai (Balkon uf Hawaiianisch) go de Abig usklinge laaah...hends au det uu luschtig gha!:-)) Nacher sind mr denn aber alli totmüed is Bett gheit&go pfuuuse...hett ja wieder gheisse ab id Schuel am nächste Tag!-.-

Montag, 15. Juli 2013 - WAIKIKI BEACH

Montag ist Schultag (=öde)!! Aber zum Glück gönd da d'Stunde wükli schnell ume..darum isch d'Schuel nur halb so schlimm..!!:-)) Sind denn mit de Lea&de Sandra na gmüetlich heigloffe nach de Schuel&hend ufem Weg plaudered! Mir hend denn bide Leandra im Zimmer en feine Salat gesse...natürli mit Bruno's Salatsauce!! Aber will mr so viel Salat essed da, gaht eus di recht schnell us..!:-((( münd eus denn d'Miri&d'Lynn namal vo dihei eini mitnääh!!:-)

Nach dem guete z'Mittag sind mr denn an Waikiki Beach...d'Lea und d'Sandra sind denn spöter au na nahchoo...&de Chrigi&de William sind au na det gsie! Hend also all zeme de Namittag am Strand verbracht..hend aber das mal keis Shooting meh verastaltet!;-)) hihii

Am Abig hend mr denn na z'Nacht gchoched...es hett zur Vorspies Edamame gääh&nacher hett d'Leandra en Soyariis mti Zugetti gmacht (jaaaa...scho wieder Zugetti...mr chönt meine mir sind süchtig!!)...isch aber uu fein gsie!:-)) Will mr aber nacher na es Glüschtli verspüürt hend, sind mr da im Hotel na is Lädeli&es Snickers Glace go hole..mhhh...es Dessert ghört ja amel au dezue!!:-)) hihii

Jetzt höckled mr zeme na ufem Balkon bide Leandra&sinds am gnüsse..!!!:-) nacher gönd mr denn aber bald mal go pfuuse...sind vode Sunne immer recht gschlisse am Abig!!

Wie ihr gsehnd gahts eus also super guet daa!:-)) Hends au mega lässig mit de Lüüt da&sind immer am lache&am Seich mache!! &mir gnüsseds richtig da...sind nanig so motiviert zum gross öpis go ahluege...aber gönd denn bestimmt mit de Lynn&de Miri...di hend denn s'Hardcore Programm wenns da sind!!:-)) hahaha

Wünsched eu e super tolli Wuche&viel Spass bim schaffe! Mir denkes immer fliessig ah eu!!xD

Macheds guet&bis bald!!

HUGHUGHUG

L&L <333

PS: hend d'Föteli vo Honolulu ufeglade..!!!!:-)))) viel Spass!

Aloha ka hoapili!

Ja ihr gsehnd richtig, git scho wieder was z'lese!!:)) Hend richtig viel Ziit daa...liit aber vermutlich au dra, dass mr da wieder z'mitzt im Chueche ine lebed&darum au schnell dihei sind bzw. irgendwo verusse (ned so wie in Vancouver)...!;-)) isch also ned nur s'Wetter guet daa...!!;-))

Mittwoch, 10. Juli 2013 - SURFING

Am Mittwuchmorge hetts wieder gheisse Fudi uf d'Schuelbank truuke...!! D'Stunde da sind aber definitiv spannender weger diä in Vancouver...d'Ziit gaht darum eich relativ schnell ume!!:-)) Nach de Schuel sind mr denn gmüetlich hei gloffe..will de Patrick keis Velo bzw. so es lässigs Trotti hett wie mir!! Darum laufed mr amel all zeme heii..! Sind denn eich nur rasch euses Bikino go montiere&ab an Beach!!:-)) Hüt hett d'Leandra sich s'erst mal ufs Brett gwaagt...aso go surfe!! Hett zwei Strasse vom Beach entfernt grad so en Surfer-Shop wo mr für $15 chan es Board go miete für de ganz Nami!! Natürli hett d'Leandra na s'Ahfänger-Board müsse nääh, diä sind riesig...chan mr allei chum trääge!! haha de Patrick hett ihre denn eich Grundschritt vom surfe mal erklärt&au ghulfe...hett denn recht guet klapped...s'schwierigste bim surfe isch eigentlich "nur" d'Welle verwütsche...will mr muss mega schnell paddle, dass mr uf d'Welle ufechunt..s'ufstaah ufs Board isch denn eich gar nüme so e Kunst..!! D'Leandra hetts denn tatsächlich au 1x allei uf e Welle gschafft!!!! Olééé...mega stolz! Isch aber eich meh Glück gsie...will sie d'Welle ohni gross öpis mache verwütscht hett...egaaal hett uf jede Fall guet usgseh!!:-)) hihihii

D'Larissa&d'Lea hend eus denn chli zuegluegt usem Wasser...sie sind denn aber mit de riese Welle nüme z'Schlag cho&sind denn darum glii use...oder hends uf jede Fall versuecht..will d'Welle nemli soooo riiiiesig gsie sind, sinds meh wieder zrug is Meer gschwemmt worde als richtig Strand!! Hend also bizeli en Kampf gha im Wasser..&vor luuter lache au na gnueg Salzwasser verschluckt! Sie hends denn aber schlussendlich glich na usem Wasser gschafft!!:-))) hahaha

Am Abig hend mir zwei denn eichgentlich nur na choched..hett wieder mal Zugetti gääh...jeeeeeh!!!!:-)))) nacher sind mr denns cho bald go pfuuse...die Sunne&bade&alles macht eim recht müed...! &Schönheitsschlaf isch sowieso sehr wichtig, hend mr ide letschte Ziit in Vancouver nemli ned wükli gha..!!;-))

Donnerstag, 11. Juli 2013 - SHOPPING

Am Morge hend mr wie immer Schuel gha...hüt hetts aber gheisse CC abgääh, das isch so en Test wo jedi Wuche gmacht wird...isch efach zum luege ob mr im richtige Level isch!! Nach de Schuel sind mr denn grad id Shopping-Mall mit de Lea&em Patrick, will s'Wetter ned so mega nach Beach usgseeh hett..&was macht mr bi "schlechtem" Wetter - shoppe!!! Hend aber natürli ned mega viel kauft...hend au nüme wükli viel Platz...&mal abgseh devo, hend mr ja au scho gnueg kauft...was mr aber beid kauft hend isch es neus paar Schueh! Also so Sandale...&das isch sehr wichtig daaa...chönd ja ned immer mit de Flip-Flops umelaufe!!!!:-))))))) also super Investition gsie!

Nach dere super Shopping-Tour sind mr denn zrug in Waikiki ih sones chinesischs Restaurant go Nudle esse...dett hetts am Mittag amel e riese Schlange, will di Nudle so guet müssed sii..sind denn darum z'mitzt im Namittag gange, wills denn ned so viel Lüt hett!! D'Nudle sind super fein gsie..&hend au na alles so frittierts Gschmeus dezue gnaa..isch uu fein gsie!:-)) Am Abig hend mr eich au nüme so viel gmacht...d'Lea isch denn na verbi cho uf de Leandra ihre Lanai (Balkon)..&hend denn en gmüetliche Abig zeme verbracht&viel plaudered&glached!!:-)))

Freitag, 12. Juli 2013 - KEINE SCHULE

Olééé...will mir eusi Stunde umbueched hend am erste Schueltag, hend mir ja jetzt amel am Fritig kei Schuel - lässig gell?!:-)) Hend darum beid mal uspfuuused&na mit eusne liebste gskyped!! Nacher sind mr denn an Waikiki Beach...münd ja irgendwenn mal na bruuuun werde!! Sind denn de ganz Tag det gsie..d'Lea&de Patrick und d'Sandra (au Schwizerin) sind denn nach de Schuel au na cho!:-) Hüt sind mr denn au nomal go surfe...das mal isch d'Lea au mitchoo..d'Larissa&d'Sandra sind denn am Stand bliebe...hoffed also scho, dass es d'Larissa au mal na uf s'Brett schafft...sie tut sich jetzt amel sehr gschickt userede!! Aber chunt denn scho au naa...

D'Leandra&d'Lea hend das mal sogar zeme di glich Welle verwütscht&sind nebedenand uf de Welle gritte...isch mega gsie! D'Leandra hett sich aber bizeli z'fest gfreut drüber&isch denn darum abegheit...d'Lea hetts aber bis ganz an Beach füre gschafft!!:-)) d'Welle sind ah dem Tag aber ned so super gsie..darum isch es denn bi dere einte Welle au bliebe..&hett au chli z'viel Lüüt gha..denn isch es amel ned so toll!

Am Abig sind denn ali (Larissa, Lea, Patrick, Sandra) zude Leandra is Zimmer go z'Nacht esse..mir hend es rots Thai Curry gchoched..!! Mhhhh...isch super fein gsie&hend alli alles ufgesse..! Isch ebe s'erst mal gsie wo mr das gchoched hend, darum isch ned ganz so sicher gsie, dass es wükli au guet wird..isch aber zum Glück fein worde!!:-)) Sind denn all zeme na es Ziitli ufem Balkon ghöckelt&hend plauderet...sind denn aber au bi Ziite go schlafe, wil lmr am nächste Morge münd früeh ufstaah..isch nemli Skydiving ahgseit!!! Huuuii....

Samstag, 13 Juli 2013 - SKYDIVING

Die Aktion Skydive isch eich recht spontan z'Stand cho..d'Lea&de Patrick hend das welle mache&mir hend eus denn spontan au dezue entschiede!! Hend denn müsse am 07.00 Uhr vorem Hotel parat staah&hend eus denn mit me Shuttle uf de Weg an North Shore gmacht..! Det ahcho, hend mr denn müsse so es Formular usfülle&alles akzeptiere&soo...de besti Satzt isch aber ganz am Schluss cho: "WARNING Skydiving is dangerous, you may be injured or killed!"...hett eus allne denn also scho biz angst gmacht!! haha Ja nacher hetts denn gheisse warte, hett relativ viel Lüüt gha...hend denn aber insgesamt müsse 4 Stund warte...!!! Hend sGfühl gha, dass di eus vergesse hend, sind nemli wükli all vor eus cho...!! Januu...sind denn aber zum Glück glich na dra cho..!!:-)) Hend eus denn müsse parat mache&das Gstältli ahlegge...denn isch es denn scho ab id Luft! Jede hett en persönliche Begleiter&en Fotograf gha..sind also insgesamt 12 Persone gsie im Flugi wo usegumped! Als ersi isch d'Leandra denn usegsprunge..das hett de andere denn grad bizeli angst gmacht, wos gseh hend wie mr da usegaht!! Sind aber grad all nachenand denn nahcho..!!:-) Die erste Meter bisch denn eich im freie Fall...also gheisch wükli efach nur na s'Loch ab!!! Nacher gaht denn de Fallschirm uf, denn chan mrs au na biz gnüsse...!!;-) währed em ganze Flug macht denn de Fotograf föteli..isch mega lässig!:-) Also de Flug isch wükli de absoluti Wahnsinn gsie...efach mega hammer geil!!!!! Isch es mega Erlebinis gsie&würed mr grad wieder mache...mached mr ja au, in San Diego mit de  Lynn&Miri!!! hihihii freued eus also jetzt scho druf!! Isch aso es mega Gfühl das z'erlebe...hend sich die 4 Stund warte also voll&ganz glooohnt!!!:-)))) Wieder ufem feste Bode ahcho, sind mr denn grad eusi Föteli go abhole&denn scho wieder zrug mitem Shuttle!! Ufem Heiweg sind alli mega müed gsie&erschlage vo all dene Ihdrück...!! Zrug im Zimmer sind mir denn darum au rasch hereglege&eus chli usgruebt...nacher sind mr denn na an Beach!:-) Sind denn na bis am 19.00 Uhr det bliebe&hend d'Abigsunne gnosse..! Nacher hend mr denn na en super mega feine Poulet-Salat gässe...mhhh...natürli wieder mit eusere Bruno's Salatsauce...efach spitze!!:-))) isch richtig fein gsie...!:-) Will mr vo dem Tag denn aber so müed gsie sind, sind mr denn beid au scho bald go hereligge...!! ZzzzZZZzzzZzzz...

Jaa wie ihr gsehnd sind mrs richtig am gnüsse daa..!:-)) münd jetzt denn aber luege, dass mr euses Programm chli chönd zemestelle was mr na alles wend mache...hend aber gseit, dass mrs recht gmüetlich wend nääh..sind ez in New York & Vancouver scho immer unterwegs gsie&vo eim Ort zum nächste grennt..! Darum isch da jetzt meh efach Beach&Sünnele ahgseit..!!:-)) hihii aber isch ja au guet soo..hend denn nacher ide letschte 4 Wuche reise nomal volls Programm, denn chönd mr jetzt da chli Energy tanke!!:-)) Aber d'Ziit rast unglaublich...es gaht alles so schnell ume&mir sind jetzt scho 1 Wuche daa..!! Gnüssed darum jede Tag umso meeh...

Danke viel mal fürs inegügsle!!:-)) &Föteli folged denn na...sind da nanig ganz so fliessig mit Fötele - SORRY!!

Macheds guet&bis bald!!

Sunnigi Grüessli us Honolulu

L&L

Aloha!:)))

Jetzt meldet mir eus usem traumhafte Hawaii! Hoffe hend da gnueg Ziit zum eus um de Blog kümmere...mr wend ja ih dene 3 1/2 Wuche au na biz bruun werde&münd darum de Namittag amel am Strand verbringe!!!;-))) hihihii

Nei gäbed eus Müeh, dass mir eu alli immer schön ufem Laufende haltet...!!

Samstag,6. Juli 2013 - SEATTLE

Ja am Samstig Morge hetts denn gheisse Bye Bye Vancouver..hend eus denn am 10:00 Uhr uf de Weg an Flughafe gmacht mitm Taxi..! Det  ahcho, hett de "Horror-Tag" denn ahgfange...hend döffe hindere 1000 Meter langi Schlange ahstaah fürs Check-In!!! Isch denn aber einigermasse schnell vorwerts gange zum Glück...aber hend denn nach 30 Minute di erfreulich Nachricht erfahre, dass in San Francisco en Flugi-Unfall passiert isch...das hett eus leider au betroffe, will mir über San Francisco uf Honolulu gfolge wäred!! Hend also müsse mit Verspötige rechne..will de Flughafe det für alli Flüg gsperrt worde isch..! Bim Check-In isch denn de nächsti Schreck cho...mir hend eusi Koffere natürli müesse uf d'Waag stelle...&was ja klaar, sie sind z'schwer gsie!!!-.- haha aber natürli nüme ganz so viel wie vorher..will mr ja en Teil hend chöne mitheigääh!! Us irgendeme misteriöse Grund, hettet mir für euses Übergepäck aber je 400.00 Dollar müsse zahle...darum sind mr  denn im schnellspurt rasch en neue Koffer go poste (eimal meh, hend ja in Vancouver scho eine kauft) &hend efach de zahlt!;-)) Viola...hend also mit eusne 5 Köffere chöne wiiter...oléé!! Am Gate hend mr denn aber ahgfange warte....eigentlich währed mir am 12:45 Uhr abgfloge...isch aber denn uf di 15:00 Uhr verschobe worde...hend eus denn na mit eusem Album beschäftigt&det drin chli umegmögelet...wenn mr scho mal Ziit hend!!:-)) hihii sind denn zwüscheddure mal na was go esse..&wo mr denn zrug cho sind, hend mr gseh, dass de Flug wieder verschobe worde isch...17:00 Uhr hett di nächsti Flugziit gheisse!! Och...aso na länger warte...schlussendlich isch de Flug denn canceled worde, aso isch nüme gfloge! Hend denn also wieder döffe zrug euses Gepäck go hole&wieder usem Gate use...! Det isch s'Drama denn wiitergange..natürli hend alli grad welle ihri Flüg umbueche&luege wies ez ah ihri Destination chömed! Mir hends darum recht gmüetlich gna&de grössti Ahstoss mal durelaah...hend denn ih dere Ziit mal de Notfall-Nummere vode Larissa ihrem Gschäft ahglüte zum luege ob die viellicht vo dihei scho was chönd mache..leider hett das aber ned funktioniert! Darum hend mr eus denn wieder zrug as Check-In begääh&gluegt wie mr wiiterchömed...hend aber zerst mal 2 Stund döffe ahstaaaaaah!!!!! Janu...hends locker gna..bringt ja nüt wenn mr sich ufregt!!;-)) hends denn schlussendlich aber glich na bis an Schalter gschafft!! Eusi Planänderig hett also wie folgt usgseh, Samstig Abig 21.00 Uhr nach Seattle flüge&det übernachte...Sunntig 08:45 Uhr ab nach Honolulu! Hend das denn au so gmacht&hend darum das ganze Prozedere namal döffe duremache mit de Kontrolle&allem...sind aber denn schlussendlich durecho&im Flugi nach Seattle  ghocket! Isch aber nur so en 50-Mann Flug gsie, mit Propeller!!! Hahaha recht lustig gsie mit dem flüüge...sind nur 40 Minute unterwegs gsie!:-))

Im Hotel in Seattle sind mr denn au guet begrüesst worde...mit ganz viel Gangstiis&HipHop Music&luuute Tööff! Ersti Gedanke; ih was fürme Hotel sind mr denn da glandet!? haha sind denn aber sowieso grad is Zimmer&go pfuuse!!;-))

Sonntag, 7. Juli 2013 - ALOHA HONOLULU

Am Sunntig morge hend mr eus denn am 07:00 Uhr uf de Weg an Flughafe gmacht...hüt isch aber zum Glück alles guet gloffe&ohni Komplikatione!:-)) Sind denn püktlich abgfloge...leider hetts ih dem Flug kein TV gha...di 5 Stund Flug sind aber glich na schnell ume zum Glück..! Am 12:00 Uhr sind mr denn in Honolulu ahchoo...mit Ziitverschiebig natürli vo 3 Stund!!;-)) Olééé...mir hends gschafft, sind super mega froh gsie, hend mr die Reis hinder eus..!! Sind denn mitem Transfer grad id Residenz bracht worde&hend eus denn grad is Zimmer bracht..! Mir sind ja da in Honolulu in getrennte Zimmer..münds ja nacher namal 4 Wuche mitenand ushalte!!;-)) Glücklicherwiis hett d'Leandra es Zimmer im 40 Stock (Total 43 Stöck) übercho...isch super schön ihgrichtet&recht neu!!:-)) De Larissa ihres Zimmer isch ganz okee...ned grad de börner..aber es isch voll easy für 3.5 Wuche (&in NY hend mrs also na viel weniger schön gha...&das hend  mr au ohni Problem überlebt)...hend eus denn grad usbreitet&ihgrichtet!! Nacher sind mr denn selbstverständlich grad s'Bikini montiert&sind an Waikiki Beach!!!!!:-)))) Uf das hend mr gnueg lang müsse warte...! Hihihi hend denn also den Nami am Beach verbracht..richtig schön gsie&au heiss!! Am Abig hett eus denn d'Lea Camenisch na en Bsuech abgstattet, sie isch sit 5 Wuche da in Honolulu...sie isch denn na mitme Kolleg ide Leandra ihrem Zimmer verbii choo...sind denn all zeme na recht lang ghöcklet&hend gschwätzt!!:-)) Sind denn aber froh gsie wo mr hend chöne go pfuuse..sind nemli vo dere ganze Reis recht futsch gsie!!

Montag, 8. Juli 2013 - FIRST SCHOOL DAY

Soo..scho wieder hetts gheisse ab id Schuel...aso Ferie chan mr euse Trip ja bis jetzt ja eich au nanig wükli renne...sind immer ide Schuel!!xD haha Hend hüt aber "nur" de Ihfüehrigstag&ihstuufigs Test gha..hend am 08:00 Uhr müsse det sii..hend eus denn scho am 07:15 uf de Weg gmacht..zum laufe hett mr öpe 15 Minute hend ja ned welle z'spaat cho!;-)) Hend de Weg denn guet gfunde&sind guet ahcho! Hend denn de Test gmacht..kenned eus jetzt bim 3te mal ja au scho biz us mit dene Tests, isch immer öpe z'glich Prozedere!! Nacher hends eus denn na 2 Stund lang mit Regle&allem mögliche vollqualed..aber das isch ja au überall öpe s'gliche!;-)) hend denn aber mitbecho, dass es da es Stunde-Programm mit 16 Stund/Wuche git wo mr am Fritig frei hett...mir hend ebe 20-Stund pro Wuche, hend eus denn darum entschiede, dass mr das umbueched uf 16 Stund (lazy Girls!!)...aber hend eus de Fritig als freie Tag ned welle entgaah lah&chli Ferie döffed mr jetzt scho na haa!!:-)) Hend denn ahschlüssend au grad erfahre ih welle Klass&Stufe dass mr sind..sind beid ide gliche  Klass und Stufe 6..max. isch 8..aso gar ned mal so schlecht...ihr gsehnd also, dass mr eus au im Englisch bizeli verbesseret!!;-)) Nacher sind mr denn mit de Lea und em Päde (de Kolleg vo ihre vom Vorabig) na rasch in Wallmart..hend eich welle es Velo go poste, wills eus ahkackt jede morge id Schuel laufe!! Hend eus denn aber für es Troti umentschiede, will mr ja nur 3 Wuche ide Schuel sind...&darum das ned so sinn macht für die churz Ziit!! Hend also es pinkigs Kinder-Trotinet kauft!! Mega lääässsig..hend richtig freud...wie chlini Meitli!!!:-))) hihihii

Nacher sind mr denn na an Army Beach..de isch au grad bi eus ide nöchii...sind denn na paar vode Schuel det gsie&sind all zeme am Strand gsie!;-)) jeeeeh..bruuuuun werde!! Aber sind im gegesatzt zude andere daa na recht wiis..münd also scho na biz ufhole..aber das gaht denn schnell!!;-))

Am Abig sind mr denn mit de Lea id Cheesecake Factory go z'Nacht esse, das isch s'gliche Restaurant wie in Seattle wo mr gsie sind..! Hend denn aber müsse 1 1/2 warte bis mr en Platz becho hend...hend eus aber ohni Problem chöne beschäftige..hett nebet dra nemli grad en Forever 21 lade gha!!!!!xD also eimal meh gho shoppe...! Unglaublich, mir wüsseds...!;-)) hihii hend denn fein z'Nacht gesse&sind nacher denn is Zimmer go müütze..! ZZzzzZZzz...

Dienstag, 9. Juli 2013 - HÄNGE

Hüt hetts denn gheisse ersti richtig Schueltaag..hend eus den also mit eusne supermega lässige Trotti uf de Weg gmacht...! D'Schuel da fangt am 08:30 ah..&gaht bis am 12:10..! Hend na e kuulli Klass..efach alles Schwiizer sozäge...aso di ganz Schuel bestaht eich nur us Schwiizer..zum grösste Teil!!! Findet mr chli schad...hend das in Vancouver mega lässig gfunde, dass es so durmischt gsie isch..aso hett det ja scho au viel Schwiizer gha, aber NIE so viel wie daa..!! Januu...wird darum vermuetlich nix meh gross mit englisch lerne daa..oder rede uf jede Fall!! Hend de ersti Morge aber guet überstande! Ahja, übrigens hett denn au da in Hawaii überall Starbucks...sind also da au ned devor sicher...!!!! haha Am Namittag sind mr denn zrug is Zimmer&hend en super feine Salat gesse...d'Conny hett eus ja in Vancouver na Bruno's Salat Sauce (die best Fertigsalatsauce wos git!) mitbracht...&nach Vancouver münd mr chli luege was mr esses, darum gits da jetzt chli meh Salat!!:-)) haha nacher sind mr denn na go wäsche...aber denn nüme an Beach..will mr z'lang gschwätzt hend nachem esse!! Aber isch ja au mal guet...hend ja na gnueg Ziit zum bruun werde!!;-)) Am Abig gönd  mr denn mit de Lea und em Patrick ines Thai-Restaurant go z'Nacht esse..müss sehr feins  esse gäh det...wüssed aber nüme so gnau wie das Esse gnau heisst..aber de Patrick hett gseit seg mega super fein!! Lönd eus also überrasche..!:-)))

Ja das wer so de Ihstieg gsie in Honolulu..aso hend eus super guet ihglebt da&gfallt eus mega guet!!:-)) Isch efach richtig Ferie-Feeling daa...Stand&Meer&Sunne...richtig schön!!:-) döffed also definitiv bizeli iversüchtig sii uf eus!! hihihii mr münd die Wuche aber euses Programm mal na zemestelle, was mr alles wend mache..suscht hend mr ide letschte Wuche wieder sonen Stress, dass mr na alles chönd mache..da wend mr eus darum biz besser organisiere!!:-)) werded darum also au daa na vieles erlebe&gseeh...&eu natürli ufem Laufende halte!!:-))

Mahalo (Danke uf Hawaiianisch) fürs ineluege!!:-)) lernend also da sogar namal e neui Spraach!!;-)) hihii

Macheds guet&bis bald!!

Sunnigi warmi Grüessli usem wunderschöne Honoluli

L&L <3

PS: hend denn na di restliche Fotis vo Vancouver ufeglade!!;-))

Halli Hallo Mitänand!

Meldet eus scho wieder...congrats! Will nacher gahts ja ab uf Honoluli&darum wenn mr das Kapitel VANCOUVER da na fiirend abschlüsse...!;-))

Dienstag, 2. Juli 2013 - FLY OVER CANADA

Will mir zwei vo eusem Rocky Mountains Trip so nudelfertig gsie sind, sind mr hüt ned id Schuel!! chchchh...sind aber denn mit Abstand ned di einzige gsie wo di glich Idee gha hend...! Aber isch au wükli mega super ahsträngend gsie de Trip&hend de Schlaf mal bruuucht...hend ja ih eusere letschte Wuche na so viel vooor!

Also mir hend darum denn zerst maal richtig laang pfuused&energy tanked! Am Namittag sind mr denn id Stadt..hend wunderschöns Wetter gha! Sind zerst ih sones speziels 4D Kino grad ade Waterfront vorne, das hend eus es paar Schwiizer ide Schuel emphole zum's go luege..! Isch so es Kino wo wie ih some Achterbahn-Sitzt hocksch&ahgschnallt wirsch..! Rund ume isch denn alles Bild gsie..vo obe bis une&links bis rechts...! Mr flügt denn eich dur ganz Kanada...&mr hett wükli s'Gfühl mr flügt hütnööch ah allem verbii..!! Mr fühlt au de Wind&s'Wasser&schömckt alli Düft...isch absolut mega gsie!!! Hett eus richtig gfesslet&hettet am liebste eusi Füessli is Meer gstreckt wo mr drüberfloge sind...! Sind beid mit Hüehnerhuut us dem Kino usegloffe...wükli wükli mega super schön gsie!!:-))))

Nach dem Erlebnis sind mr denn grad ade Waterfront vorne es Velo go miete...hend nemli de Stanley Park na uf eusem Programm gha! Hend denn d'Velos 2 Stund gmietet...aber das mal isch das mitem Velo miete einiges eifacher gsie als in NY mit dem sch...Chaste! Isch nemli wie sich's ghört, bediente Lade vo mr schön berate wird!!!xD Sind denn also mit eusne Velos loosdüüsed&sind um de ganz Stanley Park gfahre..isch mega schön gsie ih dem Wetter&chli Bewegig hett au eusne Bei zu allem ane guet taah!! Hend denn am English Beach en Stop ihgleit&sind det is Cactus Club Cafe (Restaurant mit dem guete Dessert!!!) go en feine Chicken-Salat esse.!! Mhhh....nacher isch es denn scho bald Ziit gsie zum zrug fahre...hend denn also eusi Velos oberpünktlich wieder abgääh!:-))

Sind denn nacher au scho bald wieder hei gange...sind irgendwie immer na biz fuull gsie&darum am Abig nüme use gange..! Hend defür de Abig dihei wieder mal in volle Züüg gnosse...

Mittwoch, 3. Juli 2013 - PETRA&ERIC

Am Mittwoch Morge sind mr natürlich schön brav wieder id Schuel...hend ja so quasi müsse, will mr suscht euses Zertifikat am Fritig ned bechömed, will mr suscht kei 80% erreiched, wenn mr nomal fehled!!!;-))

D'Leandra hett aber recht en amüsante morge gha ide Schuel...sie und d'Sandra (Schwizerin) hend bemerkt, dass de Kevin (Teacher) immer OK und RIGHT seit am Endi vom Satz..! SIe hend ahgfange d'Wörter zähle...aso eigentlich nur 30 Minute lang...und de gueti Kevin hett insegsamt 150x OK und 105x RIGHT gseit..!!!!! Eus hetts amel schier verjagt wo er's wieder gseit hett...&hend denn au di andere vode Klass druf ufmerksam gmacht...isch recht witzig gsie!!! hahaha

Nach de Schuel sind mr denn mit eusere Truppe na churz was go esse...nacher hend mr eus denn uf de Weg zude Petra (Cousine vode Larissa) gmacht..sie wohnt sit 2 Jahr in Vancouver (Burnaby) mit ihrem Maa em Eric! Hend sie darum gern na welle go bsueche bevor mr scho wieder abdüüsed...! Hend s'Bussystem da in Vancouver aso immer nanig wükli im Griff...hend nemli denn in Burnaby döffe 30 Minute uf de doof Bus warte..sind denn darum biz spaat bi ihre ahcho! Hend aber en super lässige Namittag mit ihre&em Eric verbracht...&natürli mit de Storm&em Blaze, das sind ihre zwei Border Collie Hünd!! De Blaze hetts de Leandra grad chli ahtaah...am liebste hett sie ihn grad mit hei gnaa!!! Isch en riese Schnüggel..!:-)) Hend denn mit ihne na fein z'Nacht gesse, es hett Wildriis mit Poulet-Curry gääh..isch super mega fein gsie! Nur leider hend mr de ganz Nami bi ihre chli viel Nachos gässe&darum nur 1 Portion möge! Zum Dessert hetts denn feini Heidelbeeri mit Schlagrahm gääh! Mhhh...hend de Namittag/Abig mit ihne riesig gnosse&isch richtig schön gsie!!! Danke viel mal ad Petra&an Eric!!
Sind denn nacher na "churz" id Stadt is Cellis Pub...de Robert (Germany) hett Geburi gha & de Felipe (Brazil) hett de Abschied det gfiired...sind zwar bei uuu müed gsie, aber sind denn glich na churz go inegügsle&hoi säge!!:-)) Sind denn aber am 12ii hei gange&einigermasse bi ziite im Bettli gsie...ZZzzzZZZzzzZ...

Donnerstag, 4. Juli 2013 - WELLNESS&PARTY

Au hüt sind mr natürli wieder schön brav ide Schuel ghocked! Hend hüt au beid eusi Album mitgna, demit alli chönd ineschriebe!!!:-)) Sind all zimli begeisteret vo eusne Album&findets mega lässig!! Hend also super viel ihträg vo allne&isch mega schön zum das alles chöne lese!!

Nach de Schuel sind mr denn direkt hei gange...hend nemli uf di 3 en Kosmetik-Termin gha! *yeeeeiii* hend denn 2 Stund Wellness gnosse...oder meh oder weniger Wellness...de Leandra ihri 30-Minütig Massage isch ned so entspannend gsie, will sie soooo verspannt gsie isch, defür isch jetzt hoffentlich alles wieder glööst! DLarissa hett ihri 60 Minute-Massaga da viel meh chöne gnüüsse..!:-)) Nacher sind denn na eusi Beinli enthaart worde..&d'Leandra hett na schöni Fuessnegeli becho..für Honolulu sind mr jetzt also voll ready!!;-))) hihi

Nach dere Erholig sind mr denn direkt is Olympia-Stadtion..hend eus det mit de Sandra&Sarah für es Football-Match troffe...B.C. Lions vs. Toronto!! Isch recht ihdrücklich gsie ih dem riese Stadtion..! Leider hend mr eus aber vorem Match ned wükli über d'Relge vom Football informeirt gha&darum amel ned so ganz drus cho, was uf em Spielfeld gnau abgaaht...aber hend uf jedefall de Spass gha!!!;-))) Nacher sind mr denn na is Melones Pub...eus "letschti" Abig go fiire...aso isch ja eich ned de letscht, aber de letscht wo mr wend go fiire!! Sind denn relativ alli vode Klass&Schuel det gsie...hend en super tolle mit Abig/Nacht verbracht! Hend sogar na Karaoke gsunge mit allne..."We will rock you!"..!! Echt kuuull gsie..!;-)) Huuii...mir werded di Lüüt da echt vermisse...hends wükli immer soo super mega lustig mit allne&sind eus all richtig as Herzli gwachse!! Wie mr sich natüli chan vorstelle, sind mr wieder eimal meh di letschtig gsie vo hei sind..!!;-)) hahaha...aso sind denn am 1 öpe hei..was ja eich ned wükli spat isch..aber egal!:-) hehe sind denn mitem Taxi heigfahre, dass d'Larissa ned muss hindere laufe zu ihrem Huus...will ja nur na de Nachtbus gfahre wer...wend ja ned, dass sie na en Bär uffrisst!!! Grrr...sind als bei heil dihei ahcho&denn grad ihgmützt!!

Freitag, 5. Juli 2013 - SAY GOODBYE

Jaaa...so schnell isch die Ziit ume&scho isch euse letschti Schueltaag..! Hend beid nüme wükli zueglosed&eus anderst beschäftigt.!! hehe aber chunt ja au nüme wükli drufah!! Nach de Schuel hend mr denn euses Zertifikat döffe go abhole...die hend e halbi Party det verahstaltet für alli wo di Wuche gönd!! Aber hend euses Zertifikat also erhalte...olééé!!:-))) hett sich das ide Schuel hocke glich na glohnt!xD Nacher hetts denn scho gheisse BYE säge...di einte sind denn ebe nach de Schuel uf de Wistler über s'Weekend..&darum hend mr denn dene scho müsse Tschüss sege...also eich all Manne, Lucas (Brazil), Övènc (Türkei), Gerardo (Mexico), Mike (Swiss), Augusto (Brazil)...ja isch eus denn ned ganz eifach gfalle..d'Leandra alias di HEULSUSE hett denn bim Gerardo müsse brüele...!!!! Sind eus wükli alli so as Herz gwachse...&de Gerardo sowieso, de werded mr glaub nie meh vergesse...hend soo viel müsse lache ab ihm&isch efach super mega toll gsie!! Aber ja Abschied näh ghört au dezue..&mer weiss ja nie, viellicht gseht mr sich wieder mal..!

Hend eus denn mit verhüülte Auge uf de Heiweg gmacht...hend nemli eusi Koffere müsse go packe - eimal meh! Hend eus darum de ganz Namittag frei  glaah...demit mr alles na chönd erledige!! So wies usgseht, hett aber alles super Platz...da mr ja na hend chöne paar Sach de Conny&am Peti heigääh!:-) Mal luege ob mr na werded Übergwicht haa...! chchch..! Ja&jetzt gönd mr denn na id Stadt mit allne Hinterlassene..also all Wiiber...fein go esse im Cactus Club Cafe! Ja wie mr merkt, sind mr recht fan vo dem Restaurant. Git hüt natüli als Abschluss no eimal so en super mega hüper feine Dessert!!xD hihihii...freued eus richtig nomal mit eusne Wiiber (&Viktor, als einzige Maa) de Abig gnüsse&mit ihne plaudere&lache&vermuetlich denn au brüele...!

Morn gahts denn am 10.00am los an Flughafe&ab nach Honolulu..! Hend also 1 lachends&1 weinends Aug..freued eus riesig uf Honolulu&SUN&Beach&Fun&alles...aber mir hend di Lüüt da alli so mega super lieb&würed gern na meh so schöni Sache mit ihne Erlebe! Hend eusi 4 Wuche da in volle Züg gnosse&werded di Lüüt nie meh vergesse.!!! Hettet mr wükli nie denkt, dass mr ih sonere churze Ziit so Fründe chan gfinde..wo mr so fest gern hett nach dere Ziit..!! Isch also ned eifach zum gaah...aber mir werded in Honoluli bestimmt au lässigi Lüüt kennelerne..au wenns vermuelti zu 90% Schwizer werded sii!!;-)) ja, das wär Vancouver gsie...hoffe eu hetts gfalle ah eusne Erlbnis teilznääh daa..&hoffed werded au ufem Rest vo eusem Trip na debi sii..!:-))

Mir danked all eusne Fründe vo da für di super mega schöni Ziit&mri werded eu alli RIESIG VERMISSE!!!!!!!

Eu vermissed mr natürli alli au riesig!:-)) Aber jetzt hend mr ja scho d'Helfti hinder eus...di Ziit gaht unglaublich schnell ume...!!! Gnüssed darum jede Moment da umsomeeh!!!:-))))

Wünsched eu allne es super schöns Weekend&macheds guet! S'nächst mal meldet mr eus denn vo HONOLULU!!:-))

BYEBYEBYEBYE L&L

!!!VANCOUVER WE'LL MISS YOU&ALL OUR FRINEDS!!!

Hello Everybody!

Zur Info, mir hend d'Föteli ufeglade!! Oléé...mir hends au scho gschafft!:) hihii

LAZY DAY - Monday, 17- Juni 2013

Montag ist Schultag! Natürlich gönd mir jede Tag schön brav id Schuel...bis jetzt!;)) Hüt hett d'Larissa ihri Klass dörfe wechsle, will di alt ja so ööööödee&langwilig gsie isch!!! Jetzt hett sie aso definitiv e besser Klass&au besser Lehrer...obwohl au diä nanig mitem Ben (alte Lehrer vo NY) z'vergliche sind...! Im Allgemeine sind mr beid chli enttüscht vode Schuel daa...hett eus in NY besser gfalle, aso d'Gstaltig vode Lektione&Lehrer vor allem! Vode Lüüt her natürli nöd, da hend mr ja mega kuulli Lüt kenne glernt..! Aber efach so vom Lerneffekt isch NY viel besser gsie...aber janu!:) Nach de Schuel sind mr denn mit eusne Fründe na rasch go esse..nacher sind mr denn grad heeii will mir beid soooooo übermüeded sind!!!! D'Conny und de Peti schluuched eus richtig!! hihii aber macht natürli au mega super viel Spass...aber isch halt scho ahsträngend wenn jede Tag unterwegs bisch&immer erst nach de 11e hei chunsch..! Darum hend mr hüt Namittag en lazy day...=fuuulänze! Hett aber leider bi beidne ned so welle klappe, will mr irgendwie bei na so viel z'tue gha hend...wenn mr scho mal Ziit hett!!;)) hehe Hett eus aber glich guet taah mal en Namittag chli diheeii sii...!! Am Abig hend mr eus denn wieder mite Conny&em Peti in Downtown troffe zum go z'Nacht esse..! Sind wieder id Spagetti Factory will s'letsch mal so guet gsie isch!!!:))) Nach dem guete Esse hend aber alli na es "Glüschtli" nach öpis Süessem gha&hend eus darum uf d'Suechi nach me Dessert gmacht! Sind denn ade Waterfront nah füregloffe&denn isch grad d'Sunne untergange...hett WUNDERSCHÖN usgseh (siehe Bilder!)!! Hend denn det grad na es churzes Fotoshooting duregfüehrt!!:)) hihii

Nacher sind mr denn euse Dessert im Cactus Club Cafffee go näh (siehe Bild - Chocolat Lava Cake)! De isch de absoluti hammer...aber hett vermuetlich au dementsprechend viel Kalorie!!!xD mit vollgschlagne Büüch hend sich denn nacher alli uf de Heiweg gmacht..oder vermuetlich sind mr scho fast grugelet!!! haha

Mer sött na bemerke, dass mr sit mr in Vancouver sind, na nie öpis für eusi Linie gmacht hend..aso leider ned so sportlich unterwegs wie in NY! Aso ja, laufe tünd mr glich na...aber das mitem Sport münd mr nachli üebe daa!!-.-

D'Larissa hett denn am Abig diheii na de neui Koffer wo mr kauft hend zum mitheigääh gfüllt...!! Mir hend beid ja "bizeli" Übergepäck (beid über 30kg schweri Koffere)..darum hend mr eus denn entschiede en Teil vo eusne Sache de Conny&am Peti mit heei gääh..! Hend ja na viel vor eus...&weniger wirds definitiv nöd...!! Sind aber imfall na nie go shoppe sit mr da sind - Gratulation an uns!!!!!!hihihii

CAPLIANO BRIDGE - Tuesday, 18. Juni 2013

Am Morge hett d'Larissa de Leandra na es Bsüechli dihei abgstattet, will sie de Koffer na hett müsse bringe demit au d'Leandra ihres Gepäck chan heischiicke!!:) Natürli hett d'Lärry denn de Bus verpasst, darum hend mr denn bizeli en Stress gha aber sind glich pünktlich id Schuel cho!!;)) Nach dem absolut super spannende&interessante Morge ide Schuel (ironisch gmeint natürli...) sind mr denn mit eusne Fründe wieder was chlises go Esse!:) Hend eus denn aber bald müsse uf de Weg mache, will hüt d'Capliano Bridge ufem Programm staht!! De Viktor&Gerardo sind denn mit eus mitchoo...hend denn d'Conny&de Peti am 14.00 Uhr (in english 2pm) am Canada Place troffe..! Det hend mr eus denn all zeme uf de Weg nach North Vancouver gmacht mitem Shuttle Bus! D'Capliano-Bridge isch efach ä Hängebrugg wo mr chan überquere...hend eus de Spass also ned welle entgaah laah..!:) Hends also alli heil über d'Brugg gschafft...di einte besser als di andere - gell Larissa!?;)) hihihii Aber isch super luschtig gsie&tolls Erlebnis! Au wenn de Gerardo (man bemerke, er isch 19nii und "a little Boy", so säged mir ihm immer...aso nur Flause im Chopf)..immer am umehüpfe gsie isch uf de Brugg!!

Uf de andere  Siite hetts denn eich efach na en Waldpark gha mit Steg&chline Brugge&soo...isch aber mega herzig gmacht gsie&hett es paar schöni Plätzli!:) Hend denn det na öpis drunke&eus biz usgruebt!! Am 16:30 Uhr isch denn scho euse letschti Bus zrug nach Downtown gfahre, aso hend eus denn müsse uf de Heiweg mache! De Gerardo&Viktor sind denn in North Vanouver bliebe...sie wohned det..mir sind denn mit de Conny&Peti zrug nach Downtown zum go z'Nacht esse!!:) Sie hend denn vorgschlage ih ihrem Hotel "Blue Horizone" go esse...det heggs super gueti Spaggetti Bolognese! Das hend mr denn aso au gmacht&sie sind wükli super mega hüper guet gsie!!!!!mhhh...hend also alli en Salat&Spaggetti Bolognese&Cola gha...hett sich de Service au gfreut!:) Nach dem guete Esse hend mr eus denn langsam uf de Heiweg gmacht...will mr immer na müed gsie sind!! Irgendwie sind mr immer müed....schliiimm!!! haha leider hett d'Leandra na müsse de Koffer paacke, will sie de morn muss de Conny bringe..! Isch denn na recht es Gschmoscht gsie, das alles inebringe...hett leider ned ganz Platz gha - aber hoffentlich hett d'Conny na es Plätzli freii ih ihrem Koffer!!!!xDhihihiii

VISITING HOSTFAMILY - Wednesday, 19. Juni 2013

Morge wie immer Schuule gha&es isch au hüt ned wükli spannend gsie...!!!-.-

Nach de Schuel hend mr eus denn grad mit de Conny&Peti troffe ade Seabus-Station..! Hüt isch nemli North Vancouver ahgseit...mir zeiged ihne euses beschauliche Diheeii wo mir da hend!!:)) Sind denn mit ihne mitem Seebus übere&det uf euse Bus..aso so wie mir jede Tag hin und her fahred...!! Sind zerst zude Larissa gfahre all zeme&det go inegügsle! Ihre Hostdad und de Sohn sind denn dihei gsie..hend mit ihne denn na en churze Schwatz ghalte&alles ahgügslet...nacher sind mr denn wiiter, will de Lärry ihri Busverbindige ja so de waaaahnsinn sind...!!!! Zum Glück isch euse Bus denn choo&denn sind mr zude Leandra ihren Hüüsli! Ihri Hostmam isch ned dihei gsie...defür ihri zwei chline dicke Hündli wo eus begrüesst hend!! Hend au da na alles ahgügslet&denn de Koffer na mitgna..!!:) Tünd hüt nemli bide Conny&Peti im Hotel pfuuse..will morn reiseds ja ab&da hend mr denkt isch es am eifachste wenn mr grad in Downtown bliebed! Sind denn mit alle eusem Gepäckt zrug nach Downtown gfahre und is Hotel go alles ablade! De armi Peti hett euse Koffer fast de ganz Weg müsse ziieh - hend ihm aber natürli ahbote, dass mir en ziehnd, aber kenned Manne ja...!!;))) Uf jedefall viele Danke an Peti!!:)))))) Hend eus denn im Hotelzimmer alli usepützlet&parat gmacht, will hüt wend mr im Cactus Club Caffee go z'Nacht esse...das isch det wo mr de super gueti Dessert gha hend..!!:)) Hend eus denn relativ früeh uf de Weg gmacht, will mr det ned chan reserviere..! Hend denn zum Glück grad es Plätzli überchoo...!:) S'Esse isch super mega fein gsie...hend alli es Filet gesse mit Biilage&natürlich nacher na en Dessert!!;))) mit eusne volle Büüch hend mr eus denn uf de Heiweeg gmacht...will aber niemert scho hett welle zrug ist Hotel sind mr denn na ine Bar öpis go trinke..!! Det hetts denn zum Schluss na 3 Rundene Jöggele gääh..! Chönd raate welli Gruppe dass gunne hett...natürli immer diä wo de Peti debii gsie isch!!! hahaha isch aber mega lustig gsie&hett allne Spass gmacht!!:))) Soo jetzt sind mr aber alli müed gsie&froh hend mr chöne is Hotel...vorallem sind mr frooh gsie nüme müsse so wiit heifahre..!!! Euse Heiwääg macht eus s'Lebe da ned grad eifach...isch zwar wunderschön zum wohne in North Vancouver aber zum Verglich isch es wie d'Strecki Wetzikä - ZH! Und das isch halt scho recht müehsam wenn di da jede Tag musch organisiere..und sind jetzt vorallem nüme ganz so spontan wie in NY will halt immer musch luege weg de  Verbindige..!! Aber ja sind ja nur 4 Wuche aso darum guet ushaltbaar!!;)) Sind denn alli schnell ihpfuused...ah übrigens mir hend eus denn entschiede morn aso Dunnstig ned id Schuel gaah...!! *jiipphhiii* isch ja de letschti Tag vom Peti&de Conny und hend darum denkt wend die letschte Stunde na mit ihne gnüsse...&viel verpasse tünd mr ide Schuel sowieso nöd!!!:))) hehe

BYE BYE CONNY&PETI - Thursday, 20. Juni 2013

Hüt hetts glücklicherweise mal ned gheisse früeh ufstaaah...*juhhuuu* mir hend also zerst mal usgschlaafe bis am 9nii!!:) Nacher sind mr denn all zeme fein go z'mörgele ime Kaffii ide nöchii..det sind  mr denn lang ghöcklet&hett na gschwätzt!! Um di 12iii sind mr denn langsam zrug is Hotel...det sind mr denn aber  au namal here ghöcklet&hend en Kaffii drunke...aso nei, drunke hend mr en eich ned...will er untrinkbar gsie isch!! D'Leandra hett eich en Macchiatto bstellt, aber übercho hett sie en Espresso...aso gemäss Servicedame  isch es en Macchiatto aber ide Schwiz seit mr dem Espresso!!! (siehe Bild) hahaha au de Conny ihre Cappucino isch viel z'starch gsie..darum hend mrs denn lieber stah glaa!! Jaa und jetzt hetts gheisse verabschiede! Die 7 Täg mit em Peti&de Conny sind ume wie im Flug! Hend aber ä super schöni Ziit gha mit ihne&mega viel lässigis erlebt..au wenns sehr ahsträngend gsie isch!! Hends super mega fest gnosse en Teil vo diheeii chöne da in Vancouver haa!!!:)))))) sind denn natürli au Abschiedsträndli gflosse...aber das mal ned bide Leandra sondern de Larissa...und natürli bim Mami de Conny!!!! Nachdems denn mitem Taxi abgfahre sind, hend mir beid denn  namal bizli müsse weine will mr gmerkt hend wie fest mir eu alli vermissed...!!! Uf grund vo dem Frust sind mr denn go SHOPPE!!!!! aso nur ih 2 Läde...wends ja ned grad überstürze..hend aber bei nur es Kleidli kauft...!!!:)) Isch eus nacher also wieder besser gange...hihihii...!!

D'Larissa isch denn na mit zude Leandra will mr na de ganz Namittag Ziit gha hend...hend denn zeme na d'Föteli ufeglade&nachli Ziit mitenand verbracht..! Nacher isch d'Larissa denn au langsam heii...münd nemli bei na Wösch mache hüt, hend langsam nüt meh zum ahlegge!! &Spörtle hend mr eus na vorgnoo...oder d'Leandra uf jedefall!!;)) hend aso de Rest vom Tag na chli gruebt&Sache erledigt!! &hoffentlich gahts hüt mal biz früehener is Bettli...will am Weekend gönd mr uf Seattle und denn münd mr fit sii!!:))))

Sooo..das wers wieder mal gsie bis jetzt!! Danke viel viel viel viel maal für's ineluege...freued eus riesig wenn ihr eusi Siite bsueched&eus uf dem Weg uf eusere Reis chönd begleite!!!:))) hihii

Wie gseit, sind mr am Weeknd in Seattle..git denn sicher au wieder viel z'verzelle...aso bis glii!!:) Macheds guet&hebed eu Sooorg!! &wie gseit, mir vermissed eu alli riesig&denked viel ah eu!!!!

LOVELOVELOVE

L+L <3

FIRST SCHOOLDAY - 11. Juni 2013

Nach eusem meh oder weniger glungene Test am Vortag, hend mr denn euse ersti Schueltag müsse ahträte. Eusi Schuel fangt jewils am 09.00 ah..münd darum am 08.00 uf de Bus bi eus in North Vancouver..chöntet eigentlich au 15 Minute spöter, aber mir sind ja vorbildlichi Schüeler&gönd darum früehner..!!;))) neeeii, natürlich demit na en Stopp im STARBUCKS drin liit..!!:)) Isch langsam richtig zur gwohnet worde daa...gönd mittlerwile fast jede Tag.!

Uf jedefall sind mr wie folgt ihteilt worde...Larissa: High Intermediate 2, Leandra: Intermediate 5...das heisst, d'Leandra muss de Larissa nächst mal meh abschriebe demit sie im gliche Level isch!!!!;))) sind darum also logischerwiis au ned ih diä glich klass choo..d'Larissa hett aber leider ned sone mega super tolli Klass&au ned so lässigi Lehrer!-.- d'Lehrerin&Schüeler bide Leandra sind all recht kuull!! Isch aber so, dass mr mo/mi/fr en Lehrer hend und di/do en andere...also mal abwarte! Hend euse ersti Schueltag aber suscht eich guet überstande...sind denn nach de Schuel mit de Mitschüeler vode Leandra na go z'mittag esse!! Nacher sind mr denn all zeme ade Promeande entlang in Standley-Park gloffe...isch na zimli wiit gsie...aso eimal meeh LAUFE!! Isch aber super lässig gsie&hend so grad all chli besser kenne glernt! Sind denn det na im Standley-Park chli umegloffe&denn na is Aquarium det..isch mega toll gsie!!:)) Am Abig sind mr heei gange&hend mit de Hostfamily na z'Nacht gässe&denn au scho bald wieder is Bettlii..!!

BARNIGHT - Mittwoch, 12. Juni 2013

Jeehh...raus aus den Federn! Am morge hetts wieder Schuel gheisse..! Hend hüt die andere neue Lehrer gha...leider isch de Larissa ihre Lehrer au ned wükli besser als de vo gester!!-.- de Leandra ihre isch au ned so de Wahnsinn...sehr sehr sehr langwillig gsie&hend s'Gfühl di Lehrer wüssed amel gar ned so recht was wend mache ide Stund...hoffed das wird na biz besser!! De Larissa gfallts aber nanig wükli besser&darum tut sie vermuetlich au d'Klass&d'Level wechsle...isch glaub gschieder..will so isch es ned so toll - Schuel isch ja suscht scho ned de Wahnsinn, aber so isch es HORROR!!

Nach de Schuel sind mr denn mit 3 Mitschüeler vode Leandra is Granville Market GLOFFE!!! Hends aber sehr witzig gha..sind 2 Brasilianer und 1 Mexikaner gsie wo mr unterwegs gsie sind..&hend en super tolle Namitag gha! Granville isch e Ortschaft in Vancouver und s'Market det isch so es Areal wo's alles so Stores&Shops hett...inere Halle ine hends au so ganz viel chlini Ständ mit verschieden Sache...isch super schön gmacht&hett eus richtig guet gfalle!!:) Leider isch s'Wetter ned so toll gsie...drum sind mr denn au mitem Bus wieder zrug!

Am Abig sind mr denn mit es paarne ine Bar Namen's Joe's Apartment...det gönd eich all vode Schuel am Mittwuch amel here...isch na lässig gsie, aber hett eich z'viel Schwiizer...mir hend bi eus ide "Truppe" nur zwei Schwizerinne..suscht alles andeeri, sind mr eich grad frooh!:)) isch aber en lässige Abig gsie!:) Sind aber relativ spaaat heichoo...sind leider au nüme ganz so schnell dihei wie in NY...hend ez da ca. 40 Minute wenn alles guet chunt!!-.- Januu...sind denn am 2 öpe im Nescht glege..ZzzzZZzzz...

PARENTS TIME - Donnerstag, 13. Juni 2013

Nach de immer nanig bessere Schuel, sind mr wieder mit de andere go z'Mittag esse..!!:) Sind hüt ih sones Canadian Restaurant Namens White Spot...s'esse isch voll ok gsie, aber eusere Meinig na ned wükli canadian!! Naiiaaa...hauptsach satt!!:) jeeeh...Bsuech, hüt sind de Larissa ihre Eltere in Vancouver ahcho...leider mit es "bizeli" Verspötig..!! Hend eus denn darum am Abig mit ihne na troffe&sind zeme go z'Nacht esse im Steakhouse "The Keg"...d'Ladys hend en feine Salat gesse und de Peti es super feins Steak!! Det wend mr denn namal here zum au go Fleisch verspeeeise..mhhhh!!!:)) da d'Conny&de Peti aber vo dere laaaaaange Reis sehr müed gsie sind, sind mr denn nacher bald go pfuuse...will euse Heiweg aber efach ewigs isch, sind mr au hüt ned wükli früeh is Bett choo...aber hend eus super gfreut uf d'Conny&de Petii!!!:)))))) hihii

BUSTOUR ROT - Freitag, 14. Juni 2013

Au hüt isch d'Schuel nanig wükli besser gsie..bide Leandra isch wenigstens wieder di lässig Lehrerin det gsie aso darum besser gsie als bide Larissa..darum isch sie denn hüt au go sege, dass sie wott wechsle!!&ez chan sie negst Wuche is Intermediate wechsle ine anderi Klass, aber vermuetlich ned ih di glich wie d'Leandra...aber viel schlimmer als jetzt chans ja eh ned choo!!!;))

Nach de Schuel sind mr mit eusne Schuelfründe denn wieder go z'Mittag esse...nacher hend mr eus wieder mit de Conny&em Peti troffe...hüt isch Bus-Tour ufem Programm gstande (jeeeeeh ned LAUFE!!!);))) Isch super guet gsie, so hend mr grad mal ganz Vancouver gseeh&au chli d'Orientierg gfunde...!! Hend die root Route gmacht, das isch vorallem Standley-Park..isch wunderschön gsie, sind aber nirgends usgstiege, sondern efach gnosse ned müsse laufe!!;)) Sind nacher denn aber glich nachli umegloffe und na Chinatown go ahluege, aber das het eus gaaaar ned gfalle...isch überhaupt ned schön gmacht&au recht schmudelig..und het viel Junkies&Strassepenner!!! Defür sind mr nacher aber anen absolut schöne Ort cho...Guestown!! Das isch super mega schön gmacht det...alles mit Pflasterstei&richtig viel Blueme und Restaurants&Bars&alles...gfallt eus super toll det!! Sind denn det nachli duregschlenderet&nacher na ad Waterfront gloffe. Hend na welle go frage, ob mr am Sunntig chönd mitem Wasserflugi nach Victoria (Vancouver Island) flüüge...hend d'Tickets denn det grad chöne poste!!! Jiiphhiii!!!!:)))))) Sind den ufem zrugweg grad ines italienischs Restaurant go z'Nacht esse...isch aber ned wahnsinnig guet gsie..vorallem au für de Priis! Januu...nach dem Tag&immer nanig wükli viel Schlaf sind mr denn heeei go müüütze.!!

BUS-TOUR BLAU - Samstag, 15. Juni 2013

KEINE SCHULE! Hend eigentlich vorgha hüt mal chli uspfuuse...sind aber bei relativ früeh verwached!!-.- hend eus denn am 12ii mit de Conny&em Peti in Downtown troffe...!:)) Hend super Wetter gha..sind darum hüt namal uf e Bus-Tour will euses Ticket na gültig gsie isch, hend dasmal aber die blau Tour gmacht...das isch eich vorallem Downtown und Chinatown&Granville...sind aber au ned gross usgstiege ussert in Granville und  am Schluss im Guestown wills eus det so guet gfalle hett!!:))) Im Grandville sind mr denn wieder is Granville Market, das isch det mit dene viele Ständ!! Hett de andere au super guet gfalle...hend denn fast de ganz Namittag det verbracht!!:) s'beste isch aber zum Schluss cho...ufem zrugweg usem Granville isch na e NACKTI Velo-Tour ah eus verbiigfahre...de absoluti Wahnsinn gsie (ned im guete Sinn)...hend meh schlechts als rechts gseh!!! hahahaha aber isch seeeehr luschtig gsie, &chan ja nur eus passiere!!!;))) Nach dem Schock hend mr eus denn wiiter uf de Weg zum Bus gmacht...!! Sind denn spöter ebe na im Guestown usgstiege und det na öpis go trinke! Z'Nacht gesse hend mr denni im KEG, das isch das Steakrestaurant vom erste Tag&das mal hend mr denn alli es super feins Stuck Fleisch gesse...mhhhh!!:) Huuii...en super schöne aber ahsträngende Tag hinder eus! Zum Glück hend mr hüt chöne im Hotelzimmer vode Conny&vom Peti pfuuse..will mr morn am halbi 8ii münd ade Waterfront sii...staht ja Victoria ahh&Wasserflugzüüg!!:))))))) freued mr eus riesig druf!!!!!

VANCOUVER ISLAND & LARISSAS BIRTHDAY - Sonntag, 16. Juni 2013

HAPPY BIRTHDAY TO YOU!!!! Hüt döff d'Larissa ihre 23 Geburtstag fiiire - alles alles Gueti!:) Hend eus denn am 07.00 uf de Weg zude Waterfront gmacht! Am 08.00 sind mr denn looosgfloooge...es isch MEHA MEGA SUPER LÄSSIG gsie de Flug!! D'Lärry hett sogar döffe vorne bim Pilot hocke...aber di zwei hend glaub meh gredet als d'Ussicht gnosse - oder er hett sie efach devo abghalte!!;)) hehe hend wunderschöni Landschafte&Berge gseh! Und isch es mega tolls Erlebnis gsie&hends richtig gnosse!!:)) In Victoria sind mr denn den det wieder ufe Bus-Tour, will mr z'wenig ziit (&au Lust) gha hend, zum alles laaufe..!! Isch mega schön gsie&hend ah super schöne Plätzi ahghalte am Meer vorne..isch e super schöni Stadt mit vielne schöne Gebäude&au alles super pflegt!!:) Nach de Bus-Tour sind mr denn nachli im Stadtzentrum umegloffe&hend denn na en Märt gfunde wo mr duregschlenderet sind..&natürli au wieder mal biz was pöstelet hend! Hend beid e supertolli Maske kauft...tünd denn na es Föteli ine devoo...!!:)) Aber mal so nebetbii, mir haltet eus richtig guet - hend bis jetzt na fast nüt pöstelet, und wenn denn isch es eich immer für eusi Liebste dihei was gsie *stolzstolzstolz* hend aber scho e Strass gfunde, wo super tolli Läde hett, det münd mr denn glaub scho mal na go inegügsle!!!!! hihihii

Sind denn nach me Stop im Starbucks&na bizeli umelaufe eusi Station für de Retourweg go sueche...hend di denn relativ schnell gfunde&darum na biz früeh dra gsie..! Sind denn vis à vis na id Spagetti Factory go esse...hend super feini Penne gha!!! MHhhh...definitiv besser als ih dem italienische Restaurant!!! Mit volle Büch hend mr eus denn uf de Heiweg gmacht...sind zerst mit em Bus zude Ferry (Fähre) gfahre&det grad mit em Bus uf d'Fähre...! Isch mega lässig gsie dur all di chline Insle fahre&alles mal vo nöchem gseh (hends ja us de Luft scho döffe betrachte)..sind denn nach 1 1/2 Stund Meerfahrt in Vancouver ahcho&det mitem Bus denn zrug zum Hotel gfahre!! Sind schlussendlich aber erst ca. am 8ii zrug gsie im Hotel!!!!! Isch leider ned so schnell gange wie mitem Flugi, mit dem hend mr knapp 40 Minute gha!! haha aber isch schön gsie mit de Fähre zrugfahre!! D'Conny&de Peti hend eus denn na bis zum Seabus begleitet&sind denn nacher na was  chlises go esse. Mir hend euse Seabus natürli wieder um 5 Minute verpasst und döffe 25 Minute waaaarte....als hettet mr ned scho en gnueg lange heiweg!!!-.- sind darum au hüt ned wükli früeh heichoo...! Darum ez ab is Bettli go pfuuuuuse...demit mr morn au bizeli fit sind für d'Schuuuel..!!

Wie ihr lesed isch richtig viel looos bi eus&sind immer unterwegs! Darum chömed di Blogs au eher sporadisch&grad amel es paar zemee..!!;)) hihii

Danke viel mal fürs inegügsle&bis baaald!!!!

LOVE L&L

PS: d'Föteli sötted denn mooorn chooo...hihii

WELCOM TO VANCOUVER!

HELLO VANCOUVER - Saturday, 08.06.2013

Am Samstig Morge hett eusi Reis nach Vancouver gstartet!! Mir sind am 04:30 vom Taxi in NY abgholt worde..to early! Am Flughafe hett eus denn de Schreck ihghollt...de Larissa ihre Koffer isch 31kg und de Leandra ihre 30kg gsie...man bemerke erlaubt wered 23kg!!!! Aiaiaii...hend denn müsse $75 zahle..als wenn eus all di Kleider&Schueh&alles ned scho gnueg kostet hettet!! Abder mir hends ja gaahnt, dass mr Übergwicht hend..aber grad so viel hend mr ned denkt..!! Janu, defür hend mr ez gaaanz viel tolli Kleider!:)

Nach dem Schock hett eusi Reis nach Vancouver denn chöne startet..! Nach 6 Stund Flug sind mr super in Vancouver ahcho..s'erste wo eus dusse vorem Flughafe ufgfalle isch, isch di frisch Luft!!;))) Mir sind denn mit me Taxi zu eusne Familys bracht worde! Sind ja jetzt in Vancouver inere Familie..aso getrennt, ned ide gliche!!;)) D'Larissa isch binere Familie Namens Heidi (Mom) und Amir (Father) Boutorabi in North Vancouver...sie hend na en Sohn (Neema) und en andere Student vo Japan det und en chline Hund Namens MILO!:))))) Passt aso perfekt..sind au alli super lieb!!;) d'Leandra wohnt binere 36 jährige Frau Namens Karen Biffi...sie hett zwei Hünd..wo aber bizli dick sind!!xD aber isch au super lieb&wohnt au in North Vancouver..sind öpe 15 Minute mitm Bus vonenand entfernt..aso voll ok!!:))

Mir sind am Samstig also super ih eusem neue Heim ahcho&hend eus det denn ihglebt!!:) Au die erst Nacht "allei" hend mr überelbt..!! hihii

ITALYTIME - Sunday, 09.06.2013

Am Sunntig (09.06.2013) sind mr den mit de Karen as Italy-Festival in East Vanvouver. Isch richtig witzig gsie&hend super guets Wetter gha!! Hend ah dem einte Tag meh Hünd gseh, weder ide ganze 4 Wuche in NY!! Hett viel Restaurants&Bars det&hend eus vorgna mal det go esse!!;) Am Abig sind mr denn dihei bliebe, will mr beid chli fuul gsie sind..&am nächste Tag hetts ja gheisse fit sii wegem Ihstufigs-Test wo bevorstaht ide Schuel!! S'Esse bi eus ide Family isch echt super...sind mr richtig frooh! D'Leandra hilft de Karen au viel !!:choche..lernt also au na biz was!!:))

FIRST DAY AT SCHOOL - Monday, 10.06.2013

Soo hüt hetts gheisse "Test schreiben"!!-.- mir hend eus am 07:30 uf de Weg id Schuel gmacht..zum Glück isch de Larissa ihre Japan-Mitbewohner mit eus mitcho, so hett er eus alles chöne zeige  wo mr duremünd&alles!!:) Mir sind am Morge wieder ih alles ihgfüehrt worde..&wie gseit de super Test na müsse mache!! Isch bi beidne ned so wahnsinnig guet gloffe..hend au nur 1h ziit gha...hoffed aber schwär, dass mr euses Level vo NY "Intermediate" chönd halte!! Aber das erfahred mr denn morn!!:) Nach de Schuel sind mr denn mit paarne vode Schuel na go esse...unter anderen zwei Schwizerinne..es hett SEHR viel Schwizer daa..!! Sind aber na zwei Jungs vo Brazil und Belgie mitcho!!:) Spöter sind mr  denn  na an Seaport füre&hend det die wunderschön Ussicht gnosse!! Isch unglaublich wie anderst Vancouver isch...au wenns e Grossstadt isch, aber isch ned verglichbar mit NY!! Gfallt eus aso MEGA MEGA guet!!!:)) &fühled eus da bizeli meh diheii...will mr halt da au Berge&Wälder&alles um eus ume hend!!:) Sind denn uf de z'Nacht zruggange..hend mit em Bus 30-40 Minute (Lenadra 30, Larissa 40)...aso isch voll akzeptabel!;) &morn heissts denn erste Schueltag...sind gspanne uf eusi Mitschüeler&hoffed, dass mr ned gaaanz so viel Schwiizer hend..!! Aber mal luege...werded eu uf jedefall devo brichte!!:))) Fotis chömed denn spöter naa..hend leider nanig so viel gmacht!!))

Danke für de Bsuech!!:))))

Sunny Greetings from the beautiful Vancouver!!!

Larissa&Leandra

L&L <3

PS: we miss you all so much!!!! <3

Hello our Dears!! :))

Hi Guys! :))

Mir schaffeds au wieder mal was ih euse Blog z'schriebe!!:))

Am Zischtig (05/28/2013) sind mr es bizzeli fuul gsie&sind darum im grosse&ganze diheei bliebe! Eigentlich hend mr welle Soho, Chinatown und Little Italy go ahluege, aber wegem schlechte Wetter hend mr das denn ned gmacht!! Au weg eusne rooote Töts (Chöpf) vom Vortag isch es denn besser gsie, dass mr dine bliebe sind!! haha

Am nächste Tag, also am Mittwuch (05/29/2013) hend mr am morge natürli Schuel gha..am Namittag hend mr eus denn entlich Soho, Chinatown und Little Italy vorgnoo!! Es isch wuderschön gsie...nur hend mr leider en Moment gha bis mr all di Viertel gfunde hend...mr meint ja es seg eifach - aber das isch es amel ebe glich ned! Nachdem mr aber "Poliziste" (oder so was ähnlichs) gfraget hend, hend mr denn alles gfunde!! :)) Hett eus alles richtig gfalle...vorallem Soho&Little Italy! Soho isch recht lässig, hett viel lässigi Lüt det und au schöni Gebäude...&es isch au na recht gross...&guet shoppe chan mr det definitiv au (empfehlenswert für alli Fraue!!) Little Italy isch wie de Name seit bizeli Italie ih dere riese Stadt!! Isch mega schön gmacht mit all dene Restaurants&Bars und mr fühlt sich wükli grad es bizeli in Italie...isch aber leider ned wükli gross..aso nur so 2 Strasse oder soo..!! Mir hend denn mal na vor det go esse...hoffe schaffed das die Wuche mal na, so als Abschluss!! :)) 

Am Abig hend mr eus denn mitem Vincenzo troffe, dass isch euse französisch Schuelkolleg! Leider hett de Held aber 20 Minute verspötig gha!! Hend denn aber defür vorne usse ade Bar na es paar lässigi Fraue kenneglernt...!:) Di Bar wo mr gange sind heisst Turtle Bay und det gits jeder Mittwuch Abig für 1 Dollar es Bier!!!! De absoluti Wahnsinn! Isch recht witzig gsie...hend det au na 4 Amerikaner kenne glernt...siehe Föteli vode 2 Manne mit Schnauz!!!!! Die sind sehr witzig gsie..recht verwirrt aber isch kuull gsie mal mit Lüüt vo da chöne rede!!:)) Es hett denn ih dere Bar au na paar Spieli gääh uf de Bar obe...wo Fraue hend müsse go tanze&alles möglche..aso richtig luschtig&typisch Amerika gsie!!:)) Mir sind darum also au recht spaat is Bettli cho...aber sind defür richtig schnell ihpfuused!! Zzzzz....

Am nächste Tag, Dunnstig (05/30/2013) sind mr denn recht müed gsie vo Vorabig..! Wills aber so super mega genial schöns Wetter gsie isch, sind mr denn mit de Maria, eusi Schuelkollegin vo Spanie, an Coney Island Beach!! Det sind mr mit de Eltere vode Leandra au scho gsie!! Das mal hend mr aber s'Bikini ahgleit&s'Badtüechli ihpackt!!;)) Mir hend en super schöne&luschtige Namittag mit de Maria verbracht...man bemerke: d'Maria isch 35gii!! Gseht aber us wie 25gii..!!!!!! Hends fast ned chöne glaube wo mr das ghört hend...isch aber e mega luschtigi&liebi!!:) &zu allem ane sind mr denn au na bizeli bruun worde...oder viellicht eher root am ahfange!! uups!

Am Abig sind mr denn go thailändisch esse ide nöchi...isch s'Geburiesse gsie vode Larissa für d'Leandra!!:)) Hett aber alles zeme nur $30.00 kostet...aber isch super mega fein gsie!! :)) Nacher sind mr denn na was go trinke ide Bar nebed eusem Hotel mitem Baze vode Fränzii!!;)) Mir hend det en richtig lässige Drink gha - Beergeritha!! Oder so...isch en Margeritha mitere Coronafläsche..isch na fein - aber isch riesig, darum hend mr denn eine teilt!! :)) Nach dem feine Drink hett denn euses Bettli uf eus gwartet!!

!TGIF! - Thanks God it's Friday! (05/31/2013) Mr nach de Schuel eigentlich abgmacht zum uf New Jersey gah ih sonen Freiziitpark mit paarne vode Schuel...will de Vincenzo de letschti Tag gha hett!! Das hett denn aber leider ned klapped will d'Fahrt det here 2 Stunde duured hett&de nächst Bus am 2 gfahre wäär..darum hetts sichs denn ned glohnt!! Mir sind denn defür mit ihm de Maria und de Sophie (Schuelkollegin vo Frankrich) im Restaurant nebet eusem Hotel fein go z'Mittag esse!!)) d'Sophie&de Vincenzo sind denn nacher na is Kino go Hangover luege...mir sind denn nacher zrug is Hotel - eusi Wösch hett gwartet uf eus!! *jiphii* mir hend denn am Namittag gwäsche&hend na chli Sport gmacht!! Am Abig hend mr eus denn wieder mit de Sophie und em Vincenzo troffe...mir sind ine Bar am Pier 17...das isch am Hafe vorne!! Det hetts e Bar grad am East River (also richtig Brooklyn)..isch super schön gsie&hend au det paar lässigi Lüt kenne glernt!! Unter anderem zwei Lehrer vo Brooklyn wo eus recht spannendi Gschichte vode Schuel da verzellt hend...aso z.B. dass d'Schüeler da Waffe&Messer&alles möglche mit id Schuel nehmend...vor de Schuel hetts aber e Kontrolle wo alli Schüeler wie am Flughafe kontrolliert werded!!!! Unvorstellbar für eus...aber isch wükli spannend wenn mr so Gschichte ghört!!:) Nach dem lässige Abig hend mr eus denn vom Vincenzo verabschiedet...er hett am Samschtig denn müsse heireise!!:((( 

Am Samschtig (06/01/2013) sind mr denn nomal an Coney Island Beach mit de Maria Sophie und Özlem (Kollegin vo Dütschland...sie hend mr det vor de Bar kenneglernt wo mr uf de Vincenzo gwartet hend!!) es isch über 30 Grad gsie&darum ide City ned ushaltbar..!! Hend en super schöne Tag am Strand verbracht..sogar mit bizzeli Fotoshooting mit de Maria!! Sie isch früehner mal Model gsie&hett denn na es halbs Fotoshooting am Strand organisiert...sie hett denn aber dummerwiis de falsch gfröget, ob er vo eus chönt es Foti mache...er isch denn sicher 20 Minute lang nüme vo ihrere Siite gwichte&hett öpe 1000 Föteli mit ihre gmacht!!! Zum Glück hett er de Heiweg denn aber glich na gfunde&eus bzw. d'Maria in Rueh glah!! hihii

Am 5ii hend mr eus denn entschiede eus uf de Heiweg z'mache...hend denn aber sage und schreibe 3 STUND gha bis mr dihei gsie sind!!!!!!!!!!!!!!!!!!!!! Leider hetts viel Verkehr gha ide Subway und darum hett sie all paar Meter wieder ahghalte...mir sind denn aber irgendwenn usgstiege wills eus ahkackt hett...&sind denn über d'Brooklyn Bridge gloffe und det uf eusi Subway...! Nach dem ahsträngende Heiweg hend mr eus denn frisch gmacht&am Abig mit de Sophie&Maria troffe...sind im Meat Packing Areal fein go z'Nacht esse! Nacher hend mr eich na welle inere Roof Top Bar was go trinke..leider hends eus denn ohni High Heels ned wele inelaaah!!!! =O d'Maria hetts fast ned chöne glaube...aber um all die gstyle&gschniglete Fraue um eus ume sind mr wükli bizeli "underdressed" gsie!! Hend all höchi Schueh und es SEHR churzes Röckli ahgha..! Sind denn chli usserhalb was go trinke.wills eus nirgends hend wele inelah..haha..isch denn aber glich öpe 3 am Morge gsie bis mr im Bettli glege sind..! Huii..ahsträngende Tag gsie aber richtig schön!:)

Am Sunntig (06/02/2013) hend mr denn zerst mal richtig laaaang pfuuuuused!!!! Döff ja au mal sii!!:))) hihihii

Am Namittag sind mr denn na use in NHL Store es paar Sache für de Leandra ihre Schatz go poste&d'Bibliothek go ahluege!! So hend mr au mal na bizli was historisches ahgluegt daa...!! hahaa isch aber wunderschöns Gebäude..!!! Ufem Heiweg sind mr denn na ame super guete Lade verbiigloffe wo mr RICHTIGS BROT hett chöne chaufe...hend denn eich so es chlises Körnlibrot welle..leider hett de ade Kasse eus bizeli falsch verstande...mr hend denn es Kilo Brot becho!!!!! hahaha essed also di ganz Wuche Brot...!!! Isch aber zum Glück mega fein, aso vo dem her ned so tragisch..!;))) Det hend mr denn au na grad je en Salat bstellt zum mitneh..de hend mr denn gmüetlich dihei im Zimmer verspiese - euse ersti richtig feini Salat gsie da in NY!!! 

Am Abig sind mr denn is Kino Gatsby go luege...&go Pokorn esse!!! <3 Isch en super guete Film&hend eich alles mega guet verstande..!:)) Ufem useweg vom Kino hett eus denn na en Schwizer ahgsproche...sind denn mit ihm na churz öpis go trinke ide Bar nebed eusem Hotel (übrigens die Bar heisst Lucy's) &hend det wieder sonen super feine Beergeritha drunke!!:) De Schwizer namens Martin isch chli en spezielle gsie...darum sind mr denn froh gsie wo mr euse Drink leer gha hend&hend chööne go pfuuuuuse..!!!:))))

So schnell isch euses Wuchenend scho wieder ume gsie....!!:(((

Am Mäntig (06/03/2013) wär d'Larissa am liebste im Bett liggebliebe am morge...s'erste wo sie am Morge uselah hett isch "Münd mr hüt id Schuuuel...!?" haha Sie hetts denn aber trotzdem na us de Federe gschafft! Sie isch aber ned die einzig gsie wo am Mäntig Morge bizeli müed isch...de Leandra ihre Banknachber isch denn währed de Stund ihpfuuuused (siehe Bild NY) hahahaha das isch eus aso na nie passiert!!

D'Schuel isch denn zimli schnell ume gange..nachem Mittag hend mir beid denn na skyped!:)) Spöter sind mr denn na in Grand Central (Hauptbahnhof vo NYC) - de wo mr immer ide Film gseht!! Isch e super schöni Halle..&alles richtig schön gmacht!!:) Ufem heiweg sind mr denn na inen Lade go esse poschte..det chaufed alli ihres esse...hett super viel Frücht&Gmües und au suscht alles gsunds Esse!!:)) Hend eus also für de Rest vode Wuche na ihdeckt mit esse!!;)) Es tönt aber denah, dass mr hüt Nami ned so viel gmacht hend...fürs Verstädnis mr sind vom Grand Central bis hei öpe 1 Stund am laufe gsie..und vorher scho öpe zwei stund..aber man bemerke..mir schaffed au nach 3 wuche ih die falsch richtig zlaufe;)..sind riesigi Distanze daa..&mr hett irgendwie immer s'Gfühl es isch so nöch, aber das isch es leider ned!!! Aber tut eus ja guet laufe..!;)))

Hüt Abig hend mr denn richtig fein choched...Vollkorn Penne mit Zugetti-Tomate-Rahm-Sauce..mhhhh!! Richtig richtig fein gsie...&au na gsund - beinahe!:))) Jetzt ligged mr gmüetlich im Bettli...hend hüt Abig suscht nüt meh gmacht will die nächste Täg denn viel los isch...hend na paar Sache uf eusere Liste wo mr na wend go mache oder ahluege..!!;)) aber das ghöred ihr denn Endii Wuche..!!:))

Danke viel mal für's inegügsle&lese!! Hoffed es gfallt eu&ihr hend Freud ah eusne Gschichtli! hihii

Greets&Kisses from NYC!

Larissa&Leandra (alias L&L <3)

Guguseliii Mitenand=)

Hoffed es gaht eu guät und alles isch ih bester ordnig bi eu..=) Am dunschtig Abig (23.5.) simer is kino gange go fast & furious 6 go luege..simer serst mal is AMC Theater am Times Sqaure..das isch soo riisiig..abr isch mega luschtig gsi..diä lüüt sind voll mitm film mitgange..und mir verstönd eze wieso diä lüüt so uf die action sache stönd..=) haha aber mr münd sege in englisch ischer viel luschtig weder in Dütsch=) mir henden nämlich en tag spöter no uf dütsch ahfaluege..aber mir sind den beidii ihgschlafe..;) aber mr hend den gmerkt das mr mega viel verstande hend..abr so viel redets ja au nöd ih dem film..haha.

Am Friitig simer den is Madame Tussauds gange..und hend diä viele Stars gseh=) hehe..isch lässig gsi und het doch no eis zwei wos in London ned het=) nach dem hemer wiä gseit nomal de Film uf Dütsch ahfahluege=)

Am Samschtig isch wie vorher ned so hammer wetter gsi und het de ganz tag immer wieder chli gregnet..

mir sind glich de ganz tag chli umegloffe und sind ih verschiedeni läde..hend aber ned so viel kauft=D

am abig hemer den miteme kolleg abgmacht und sind ad Bleekerstreet gange..dete hets ganz viel verschiedeni baare=) isch mega luschti gsi mir sind eifach so am 4 halbi 5i mal im näscht gsii..aber ih de einte bar hets eifach en Securitiy gha wo usgseh het wiä de Great Khali=D haha dländi het den rasch e churzi Tanz ihlag mitem gha..isch aso en ganze liebe gsii (für diä wo ned wüssed wer das isch GOOOOGLE weiss alles).=D

Ja am sunntig hemer den ned so viel gmacht..sind es bizzeli müäd gsi..aber demit mr ned de ganz Tag im Zimmer umegammlet..simer am abig nomal is kino..hehe sind den Hangover 3 go luege..=) isch au mega luschtig gsi..aber mir hend fasch kei nackestarri gha..will mr nur ih de 2 vorderste reihe hend döfe sitze..haha..

aber de film isch glich guät gsiii:)))

Am mäntig hemer den mega schöns wetter gha und mir sind den mal uf sonen Touribus..eigentlich hemer wele uf brooklyn..aber ja..mr hend den erfahre das diä tour nur am Morge am 10ni isch..ja..mir hend den eifach diä tour dur manhattan gno..und sind eifach de ganzi Tag chli umegloffe und umegfahre..isch mega schöön gsi..aber mir hend liecht euse tööötz verbrennt..haha..dnase und stirn isch liecht root aber ja das gaht au wieder verbiiii...=)) Am abig simer den no id Bar nebed eusere Residenz. dete hemer schön chöne verusse sitze..und no eis trinke..:DD

und eze gömer den no chli verusse..aber isch ja ned wüki schön wetter darum ja..wird nix mit öpisem gross ahluege =/// 

Macheds guät und biis gliiii..euiiii L+L<3

PS: Fotis dümer immer wieder im NY Ordner ufelade=)

Hello Everbody!

Am mäntigmorge (20. Mai 2013) hend mr mit de Leandra ihrne Eltere eich wele go s'9/11 memorial ahluege...aber da eusi Planig ja na nie funktioniert hett, hett au das ned stattgfunde! Es hett leider scho z'viel Lüüt gha&mir hettet darum ned chöne mitgah, wills eus sucht vode Ziit für id Schuel ned glanged hett!! Defür hend mr aber en super Blick uf de Freedom  Tower gha..!! Nachene sind mr defür as Pier 16 füre und hend eus welle um euses Abigpgrogramm kümmere..mir hend de Helikopterflug wele nahole&sind darum nomal go fröge öb mr de eze doch no chönd mache..! Sind aber leider wieder ned an richtige Ort cho wo mr eus hend chöne informiere..mir zwei sind denn darum scho bald zrug gange weg de Schuel *bäääh*!! Die andere hend de Namitag aber na am Pier vorne verbracht&sind det go spaziere!!)) Am nami hend mr erstuunlicher wiis bereits bscheid becho das mr neu chönd id dmorge klass wechsle..normalerwies gaht das ned so schnell...het mr eus uf jedefall gseit hehe=) eze sind mr zeme ide klass..! *jiippiii* Het wüki kuuli lüüt&au euse teacher isch very funny!!!:) Am abig hend mr eus den wieder mit em Sven, Susanne, Christine und em Jörg troffe&sind den wieder as Pier gange..sie hend da doch na es Abigprogramm chöne organisiere!!!:)) dete sind mr den zerst ufs Watertaxi wo e 1 stündigi Fahrt gmacht hett..isch mega schöön gsii..bi de Freiheitsstatue hends den so richtigi amerikanischi music laufe lah (zum au zeige wie stolz d'Amerikaner sind!!) Hett wunderschöni Föteli gääh im Abigroot (siehe New York Ordner!) Als "Überraschig" isch es denn na witer gange..mir hend döffe mit em Schiff uf New Jersey witerfahre...det het eus denn doch na de Helikopterflug erwartet!!!!!!!!!!!!! *oléééééé*

Mir hend döffe ca. 20 Minute mitem Heli über Manhatten flüüüge! Wie de Sven verzellt hett, döff mr sit em 11. September eich nüme drüber flüge...aber will er so lieb gfraget hett, hend mr sogar das dööffe!!! Es isch de ABSOLUTI OBERHAMMER gsie&es mega Erlebnis wo mr nie meh werded vergesse!!! Es hett au super guet Föteli gääh wo mr de KingKong scho fast gseht wie er am Empire State Building hanged!!! Ah dere Stell es riesigs Dankeschön ah die 4 Gäst für d'Organisation!!!! Es isch wükli unbeschrieblich schön gsie!!! <333

Nach dem ihdrückliche abig snd mr den als abschluss no en feini Pizza go esse...aber alli sind so gschluched gsi, dass mr eus denn scho bald uf de Heiweg gmacht hend! Bim heilaufe hend mr den uf eimal gmerkt, dass ja scho 00:00 isch und d'Leandra Geburi het..vor luuter schnurre hetemr das fascht verpasst aber mir hend den no es chlises chuächli gholt und uf de geburi gässe=) hihi 

Am Zischtig (21. Mai 2013) hend mr denn d'schuel sause laah wegem Geburi vode Leandra *jippiii* Mir hend eus am 10.00 Uhr mit de andere zum z'morge troffe...! es isch scho um di ziit meeega heiss gsie...de schönsti tag sit mr da sind!!! Darum hend mr eus denn entschiede, dass mr de wunderschöni Tag am Coney Island Beach wend verbringe. Mir sind mit de Subway e knappi Stund gfahre und scho sind mr am Meer gsie!!!! Det hend mr de Sand under de Füess&di FRISCH LUFT gnosse!! :)) zum abschluss hetts denn na es Glace gäh&eh chlini shopping rundi ime Lade det...sogar de Sven hett öpis kauf (vowege er isch en shopping-muffel!!) ;-))) Am Abig hend mr denn es usgezeichnets z'Nachtesse im "The View" gnosse...das Restaurant isch im 48 Stock und treit sich&mr hett e wunderschöni Ussicht...isch wükli mega gsie!!!:)) d'Leandra hett also en super megamässig tolle&schöne Geburtstag döffe fiire!!! DANKE DANK DANKE!!!

Am Mittwuch morge hend mr denn s'erst mal müsse am Morge id Schuuel...*bääähfrüehufstaaah*!!! Am Morge Schuel haa isch aber wükl viel besser...mir hend nur bis am 11:40 schuel und sind somit ca. 12.00 diheeii&hend denn de ganz Namitag zur Verfüegig..!! Nach de Schuel sind mr denn zum Hotel vode Christine, Susanne, Jörg und Sven, da sie ja scho wieder hend müsse abreise!!!!:((((( Hend denn zeme na was chlises gesse&die letschte Stunde zeme verbracht!! Am 14.30 sinds denn vom Taxi abgholt worde für an Flughafe!! Natürlich sind bide verabschiedig wieder viel Trändli gflosse bide Leandra!!! *heulsuuuse* mir hend die Ziit mit Ihne aber richtig gnosse&es isch wunderschön gsie!!! Hend so viel erlebt&gseh wo mr suscht vermuetlich ned gmacht hettet!! Es riesigs DANKESCHÖN ah die 4!!!:)) Es isch MEGA gsie&werded eu vermisse!!!

Hend denn ah dem Tag nüme so viel gmacht...will mr beid so müüed gsie sind!!! hihii

Hüt (Dunnstig, 23. Mai 2013) hend mr de Morge wieder ide Schuel verbracht!! Zrug im Zimmer hend mr denn richtig vorbildlch grad eusi Ufzgi gmacht!! Nacher sind mr denn eusi Wösch go mache&glichzitig go Spörtle!! Ez ligged mr beidi chli fuull im Bettli&lueged TV oder sind mit eusne Liebste am schriebe!!&gönd mr denn is Kino Fast&Furious 6 go luege!!! *jeeeeh* mit hoffentlich guete Pokoorn!!! <3333

Wünsched eu allen ganz e gueti Nacht&hoffentlich chli bessers Wetter ih nächster Ziit!! Vermissed eu alli scho meega&denked ah eu!!! 

LOVE

L&L

Heeelloooo=)

Eze isch bi eus grad 11i am abig und mir sind hei cho vome mega feine esse mit de leandra ihrne eltere=) mir sind im benjamin steak house gsii und eze chugelrund...;)) aber isch echt suuupaaa gsii..aber au dementsprechend teuer!!!!;-))) am friitig (17.5.) simer serst mal inen club is pacha. eigentlich weri 50 Dollar ihtriit gsii wills e afterparty vome festival gsi isch..aber mir hend zum glück nume 15 Dollar müsse zahle will eini debi gsi ich wo diä irgnwiä kennt het...uf jedefall simmer den det iää und es isch wükiii aaaarsch chalt gsi..da chüälets immr alles so abe das ohni jagge fasht ned chash ume laufe..aber wo den viel lüüt drin gsi sind ishes den immer wärmer worde...! Dmusig isch wüki mega lässig gsii aber nach 3h *bounce bounc*e hesches den mal ghört..haha=) 

am samschtig hemer eus leider müssä vo de ursi und em tobi verabschiede..mir hend zwar nöd müssä brüälle aber mir hends scho recht gmerkt das mir si so lang nümmä gsehnd...und mir wend eu zwei no ganz viel mal danke sege für diä super ziit mit eu da..es isch wüki mega lässig gsi und mir hends mega gnosse eu da zha...knuddel und knutshi für eu zwei=) miteme flügende wechsel simer den gad zum hotel vo de leandra ihrne eltere und hend si dete troffe..und den sind doch eis zwei freude träne gflosse..(leandra di heulsuse!) hend aber en super abig gha mit feinem esse!:) hüt (19.05) hend mr eich es super programm vorgha..nur hett eus leider s'wetter en strich dur d'rechnig gmacht...mir hend welle s'Ground Zero und Brooklyn Bridge go ahluege aber wenns regned isch das leider ned so schön.!! darum hend mr eus denn für e shooping-tour im Jersey Garden entschiede (isch ja ned so, dass mr ned scho gnueg geld usgeh hend zum pöschtele - egaaaaal!!)..am Sven (Leandra's Papi) hett das Programm aber ned so passt...vorallem will de planti Helikopter-Flug ebefalls is Wasser gfalle isch!!! *stinkigepapi* hend aber trotz allem en super "schöne" tag gha&wie scho gseit, seeeehr guet gesse hüt abig!!:)))

will mr so voll gfresse sind münd mr jetzt es verdauigs-pfüüüsi mache..!!!!;-)))) bis glii&danke für's inegügsle!!

PS: au kommentiere isch erlaubt!!!!!!!!!!!!!!!!! :))))))))

Good night&see you soon!! IN LOVE L&L <3

Hello.!! :))

Am Zischtig hend mir döffe euse ersti offizielli schueltag ahtrete!! mir sind beid im Level "INTERMEDIATE" ihteilt worde&hend beid am Namittag vom 13.50 - 17.00 schuel...aber "leider" ned ide glcihe klass, aber isch ja viellicht au kein seich.! erwähne muss mr, dass mr ah eusem erste schueltag scho s'erst mal z'spaaat cho sind!!! mir hend eus lediglich ein Lade vorgno zum go shoppe...Fovever 21...und wies all fraue wüssed, vergaht d'ziit bim pöstele efach z'schnell!! aber so wies usgseht isch das standard, dass mr da z'spat is zimmer platzt, will eusi lehrer hend ned wükli öpis degliche taah!!;)) *glückgha* was eus aber relativ schnell ufgfalle isch, dass es tonnenweise brazil und korean people hett daa...korean people sind recht witzig...wenn di lached gsehnd sehr luschtig us...hend so quasi kei auge meh denn!!! nach eusem erste schueltag hend mr denn anere Bar-Night in Brooklyn teilgno...es wird jede tag was vode Schuel us organisiert wo mr sich chan ihschriebe&teil näh!! Mir hend denn denkt mir gönd da mal mit zum au mal biz lüüt kennelerne!!:) hend sehr en luschtige abig gha mit "viel" Bier&luschtige Lüüt!!

Am Mittwuch hend mr denn mal welle usschlafe..was aber ned so recht hett welle funktioniere...sind denn am 8ii ufgstande und hend eus für de Morge de Victoria Secret vorgna (Unterwösch Lade..!) wie ihr eu au da chönd vorstelle, hend mr au da gnueg ziit mit shoppe verbracht...z'spat id schuel cho sind mr dasmal aber ned!!!;))) am abig hend mr eus denn mit de Ursi&Tobi troffe...sind alle zeme fein go esse!! s'beste isch aber ned s'esse gsie, sondern d'Music im Restaurant ine...chönd eu vorstelle ime Club ine go esse...sehr amüsant gsie..vorallem will mr denn au immer schön im Takt issst!!! aber natürli isch au s'esse super gsie!! :)) nacher sind mr den ufs *TOP OF THE ROCK* aso ufs Rockerfeller Center...isch WUNDERSCHÖN gsie!! hett nach öpe 1000 versüech au eis zwei gueti Bilder gäh!!;))

nach dem super schöne tag sind mr denn todmüed is bettli go pfuuus!! Hüt morgen hend mr denn gfunde münd mal was für eusi gsundheit mache&sind go spörtle...glichzitig hend mr au na grad d'Wösch gmacht..bi so viel neue Kleider hetts denn na en rechte huufe gääh!! sind denn glich öpe 2 Stund beschäftigt gsie demit...darum hend mr nüme so viel zit gha zum na gross was mache...!! jaa& gester simmer mit de Ursi&Tobi go fiiire...de Tobi hett nemli geburii!!:) Mir sind ine mega schöni bar gange womer im 20. Stock het chöne usse sitze und mr het schön as Empire here gseh=) wüki e mega lässigi baar=) ...bis glii!!!!! xoxoxoxoxoxoxoxoxoxo

halli hallooooo=)

also mer chas  fasht ned glaube aber mir hend sho bsuech becho in NY dUrsi und de Tobi hends nümä usghalte ohni eus und sind eus grad nah gfloge;-) haha nei seich..sie hend eifach grad au zu dere ziit bueched=)

Nach de erste nacht da hemrs nümä im Zimmer usghalt und hend eus natürlich beziitte uf de Weg gmacht..chmeine es isch sho 6i am morge gsii..shoo fascht es bizzeli spaat....*man bemerke JETLEEEEG*

Naja..schön gahts allne gliich am 8ii hemer den eusi gliebte schwiizer vo diheime am Times Square troffe=)

Mir sind den schön mitm bus in Woodbury outlet gfahre mit Ihne und hend en mega luschtige tag verbracht. 

Wichtiiiig....dursi endlich e sunnebrülle gfunde womer Ihri augebraue nümä gseht..haha aber bis mr diä gha hend simer 45 minute ih eim lade gsi und hend ungefähr 50 brülle usegsuecht.. und stelled eu vor mir sind lebändig wieder us dem lade usechoo...haha

hüt hemer euse ihfüährigs taag gha und de ihstuufigstest für dschuel..und da mir gmeint hend es segi nume bis am mittag das ganzii..hemer nix zmittag gesse will mr ja erst gad zmorge gha hend..ja es wer den bis am 5i gange..und mir sind fasht umgfloge will mr so hunger gha hend..haha..naja..mer lernt...aso hoffmer..

biss glii eui L+L

PS: meh fotis im NY Ordner=)

Hallii Halloo

Mir sind guät in New York ah choo..und eze bizzeli müäd vom Flug und abschied nää=) Schön gsii das so viel an flughafe cho sind danke eu viel mal isch schöön gsi..=)

Euses Zimmer isch sehr spartanisch aber ja..mir hend ja extra fotis mitgno demits mir für eus nochli schöner chönd mache..umgstellt hemer uf jedefall au scho..=) Eusi ussicht isch fascht ned ztopee mir staared ane schöni wand anee..hahaha=) aber luschtig hemers eze scho mega..haha=)

nice week bis gliiiiiii=) eui L + L

DANKÄ DANKÄ DANKÄ!

Mir wänd eus ganz herzlich für die absolut beschtii abschiedsparty bedankää!

Es isch en wunderschöne Abig gsi und mir hends mega gnosse mit eu de chöne zverbringe. 

Mir hend eus mega gfreut sind so viel cho und es het eus wüki sehr viel bedütet alli nomal zgseh bevor mir gönd.

En ganz GROSSSE DANK wänd mir no de Miri und de Lynn sege, Ihr hend das genial organisiert und es ish wüki en super glungne abig worde. Ihr sind echt diä beschte ohni eu wär das niä so zstand cho! 

Also nomal viele viele Dank ah alli, es ish für eus en unvergessliche Abig worde=))

Mir werdet eu mega vermisse!!

Eui Leandra und Larissa