06/21/2013 - 07/01/2013

Hello Everybody!!!!:))

 

Olééé...mir meldet eus au wieder mal! Sind ide letschte Täg leider ned so dezue cho eus um euse Blog z'kümmere...defür hend ihr jetzt gaaaaaaaanz viel zum lese (Beschäftigung für diä wo ned wänd schaffe..!!) Tut eus aso mega leid sind mr soo lazy...&sind au immer unterwegs&darum ned so viel diheeii..!:) aber holed jetzt alles naah...viel Spass bim lese!!

 

Freitag, 21. Juni 2013 - MEXICAN

Nach de Schuel sind mr mit de ganze Schuel..natürli ned di ganz, aber mr chönts meine...ines mexikanisches Restaurant go esse...hend denn also grad s'halbe Restaurant in Beschlaag gna!!:)) Hends mega lässig gha, aber s'Esse isch leider ned so de Wahnsinn gsie, oder besser hett d'Leandra efach s'falsche bstellt...dä Larissa ihri Quesidillias sind besser gsie!!;)) Aber s'mexikanische Esse liit eus ned so...usser NACHOS!!

Nach em Lunch hett sich eusi Gruppe denn trennt&alli hend chli was anders gamcht..! Mir sind mit em Ali, Gerardo&Viktor nachli ide Stadt umegloffe...sind denn na go d'Library (Bibliothek) go ahluege!! De Ali&Gerardo studiered beid was mit Medizin..(Doktor&Ernährig)..sie hend sich denn grad uf d'Suechi nach de Anatomie-Büecher gmacht...will mir und de Viktor aber kein Dunst vo dem hend&das für eus au ned so spannend isch, sind mr  denn wiiter...döffed 3 mal raate wo's eus hereverschlage hett...bide Büecher wo ned für chlini Chind dänkt sind...hend eus aber wie chlini Chind benoo wo mrs ahgluegt hend!!! haha als Bispiel mr hend es Buech gfunde Namens "Sex for Dummies"...chönd eu ja vorstelle was mr füres Fest gha hend...hends denn aber schnell wieder zrug is Regal taah&sind zrug zu eusne Studente! Sie hend eus denn na Lektione gäh ide Anatomie eus de Körper uf englisch erkläärt!:)) also glich na was glernt ide Library!!

Wegme chlin Glüschtli vode Leandra&Larissa sind mr denn all zeme na is Crèpe Cafe go en Nutella Crèpe esse..isch suuuper mega fein gsie!!:)) de Ali hett sich denn nacher vo eus verabschiedet&isch heii..mir sind denn na ines Cafe öpis go trinke...&esse...d'Leandra hett en Öpfel kauft&will sie so sozial isch am hungrige Gerardo au EIN BISS abgääh...ja es isch denn leider ned bi eim Biss bliebe&de Öpfeli isch innert Sekunde weg gsie!!!! Januu...hend aso drus glernt, dass mr am Gerardo nie meh was z'Esse gebed, wenn mr na was wend ha devoo!! hahaha 

Joo...sind nacher denn alli hei gange...hend denn dihei nüme viel gmacht...efach na mit de Family z'Nacht gässe&de frei Abig gnosse!!:)

 

Samstag, 22. Juni 2013 - SEATTLE (Hinfahrt, Outlet, Hard Rock)

Jeeeh...euses Seattle Weekend isch daa!!:)) Chönd über d'Schuel so Usflüg bueche...&hend eus das ned welle entgaah lah! D'Busfahrt nach Seattle isch relativ schnell gange...mal abgseh devo, dass mr det bim Zoll 2 Stund verbracht hend...!!!! Isch s'gliche Prozedere wie am Flughafe...das münd aber nur d'Büs mache...aso recht müehsam gsie!! Hends denn aber alli über d'Grenze gschafft&sind ide USA ahcho...!! Euse ersti Stop isch denn im Outlet gsie...SHOPPE!! Als hettet mr ned scho gnueg kauft...geschweige denn, na Platz im Koffer!! Hend eus denn aber realtiv guet ghebet mit shoppe...hett aber glich es paar neue Sach gäh!!:)) hihii wie ihr gsehd, vertleided eus shoppe difinitiv NIE!

Nacher hend mr eus denn uf de Weg nach Seattle City gmacht zu eusem Hotel...mir sind mit zwei andere Schwizerinne im Zimmer gsie...hend s'Beste Zimmer gha vo allne...mit WHIRLPOOL!!:)) haha am Abig sind mr denn mit allne Wiiber is Hard Rock Cafe go z'Nacht esse..! Isch super fein gsie&hends lässig gha..! Nacher sind mr denn mit allne vo de Tour na ine Club/Bar...isch lässig gsie wieder mal Amerikaner um eus ume haa...!! Leider hend alli chli schlapp gmacht&sind all realtiv früeh heii...schlussendlich sind denn nur na mir und de Felipe det gsie!! PARTY HARD! Man bemerke, de Felipe isch 28&öpe dä ältist vo allne..aber er macht nie schlapp - euse Party-Held!!!! Sind denn na was chlises go esse...Flammchueche!:) Aber so unglaublich wie d'Amerikaner sind, hends na Käääs druf taah...aber isch glich fein gsie!!!!

Jooo...sind denn nacher zrug go pfuuse..hend am nächste Tag müsse am 11.00 paraat sii...!!:))) TzzzZzz...

 

Sonntag, 23. Juni 2013 - SEATTLE (Sightseeing)

Nachdem mir eus am 11.00 troffe hend&euses Gepäck in Bus verstaut hend, hend mr free Time gha...di einte sind denn na anen Baseball -Match, mir hend aber lieber welle d'Stadt go ahluege! Sind denn de ganz Namittag mit de Leticia unterwegs gsie..! Hend de erst Starbucks bsuechts wos gääh hett&det was bstellt!!:) Nacher sind mr denn dur de Public Market gloffe...isch ähnlich wie Granville Market in Vancouver...hett mega kuuli Ständ gha&isch alle mega lässig gmacht!! Hett det am Schluss denn an sone Kaugummi-Wand gha, wo die ganz Wand volle Kaugummi isch...isch recht eklig, aber  gseht wükli mega geil us!!! D'Leandra hett denn ihre Kaugummi au ah dere Wand platziert&sich verewigt!!:) Nacher sind mr denn na id Shopping-Strass...det hend mr en Popkorn-Lade gfunde!! Hett ganz viel verschiedeni Popkorn mit jenste Sorte..hend denn natürli müsse chaufe!! Hend Rainbow-Popkorn und normali mit Salz&Butter kauft!!:)

Demit mir ufem Heiweg ned verhungered, sind mr denn na was go esse..sind id Cheesecake-Factory..zum Dessert hend mr denn natürli na en Cheesecake kauft zum mitnääh!! Mhhh....!!:)))

Jaa leider hend mr denn scho bald wieder zrug müsse...!!:(( Ufem Heiweg hend mr denn euse Cheesecake&Salz-Popkorn verdruckt!!:) heieieii...mir sind da richtig verfresse...aber sind ja da zum gnüsse!!:) hihii

Sooo...das Seattle-Weekend isch wie im Flug ume gange...!! Hends aber super mega lässig gha&au d'Stadt chli chöne ahluege!! Hett eus aso mega guet gfalle...&au d'Stadt isch wunderschön...hett nachli Kultur det mit dene Gebäude&alles!! Isch aso mega schön gmacht..!:) Hends au mit allne Lüüt det mega gnosse&au viel neui kenneglernt, will vo eusere Truppe isch eich nur de Felipe debi gsie..! Bye Bye Sealttle

 

Montag, 24. Juni 2013 - CINEMA-TIME

Jeeh..hüt hetts wieder gheisse ab id Schuel!! Isch eus aber nach dem Weekend in Seattle ned eifach gfalle ufstaah..!!-.-  Hend de morge aber zum Glück überlebt..!!;-)) Di andere sind denn nach de Schuel all hei...mir sind denn darum nur z'zweite go z'Mittag esse! Sind is Cactus Club Cafe (das isch das Restaurant mit dem super feine Dessert)...hend denn det zeme Edmame und je en Salat mit Poulet gesse!!:) Also richtig gsund! Will s'Wetter ned so de Wahnsinn gsie isch, hend mr eus denn entschiede is Kino z'gaah...sind ja bis jetzt na nie gsie in Vancouver!! Sind Man of Steel (Superman) go luege..hend denn natürli wie sich's ghört s'grösste Popkorn bstellt wos git...mit Maltesers&Cola, isch "dummerwiis" grad so es Combo-Ticket gsie wo das mit me Getränk bechunsch...!!;-)) hend also d'Kalorie wo mr bim z'Mittag ihgspart hend, schön wieder useghollt!!! hahaha Nachem Kino sind mr denn beid heeii...sind recht müed gsie&darum froh hend mr en freie Abig..!:)

 

Dienstag, 25. Juni 2013 - KIZILIANO BEACH

Hüt hett de Morge ide Schuel öpis guets gha...d'Larissa hett d'Rainbow Popcorn vo Seattle mitgna&mr hend di chöne ide Pause verschlinge...natrüli hend mr mit de andere teilt...&wie ihr eu chönd vorstelle isch s'Pack nachem Gerardo halbe leer gsie..!!;-))

Sind denn nach de Schuel all zeme go z'Mittag esse...nacher sind denn mir mit em Gerardo an Kiziliano Beach. Die andere sind all scho gsie, aber de Gerardo isch mit eus namal mitcho!!:) Hends recht luschtig gha..hend denn ahgfange umetuurne&sändele...wie chlini Chind!!xD aber isch wükli super luschtig gsie...mit em Gerardo hend mr sowieso immer es riese Fest will er so en Witzchnolle isch&immer nur Müll im Chopf hett!!!!;-))) Hend denn nach eusere "Spielgruppe-Stund" am Beach bald scho müsse heii eus go parat mache..hend mit paar Schwiizer vode Schuel inere Bar abgmacht!! Sind denn also am Abig id Cambie-Bar...hends mega kuull gha&hett guet taah mal wieder chöne schwizerdütsch rede..!!:)) Sind denn aber bi Ziite hei gange, demit mr am nächste Tag us em Bettli chömed&vorallem au, dass d'Larissa na en Bus hett..will ihri Busverbindig ja so genial guet isch!!;-))

 

Mittwoch, 26. Juni 2013 - ROGERS ARENA

Au hüt hett de Morge ide Schuel was guets gha, hend nemli chöne 1h früehner gaah will mr ane Füehrig sind vode Rogers Arena (Hockey Stadion vode Canucks) mit de Sandra und de Sarah!! Jipiihh...

Sind ufem Weg nach schnell in Starbucks was z'Mittag go hole&hend eus denn mitem Skytrain uf de Weg gmacht...! D'Früehrig hett am 13:30 ahgfane..sind denn aber bizeli z'früeh det gsie..aber isch au guet gsie, will mir de doofi Ihgang vo dem Stadium ned gfunde hend...hend defür aber s'ganze Gebäude rundherum vo usse gseh!!;-))

Ade Füehrig hend na zwei Dütschi&en Schwizer und gaaaaaanz viel Koraner teilgnaa..also sone Schuelklass!! Eus isch denn di ganz Arena zeiget worde&au so VIP und luxus Rüüm wo di riche&schöne s'Spiel lueged..! Leider hend mr d'Umziehkabine vode Spieler ned chöne go ahluege, wills na es paar Spieler gha hett, wo ah dem Tag am trainiere gsie sind...hend denn efach di vode Gastmannschafte chöne go ahluege...aber det isch denn also de Justin Bieber scho go duuusche!!! huuuii...d'Koreanerinne hend grad en Schrei ablah wo d'Leiterin das verzellt hett!! hahaha S'beste ade ganze Tour isch aber ei Aktion gsie...mir hend denn fast am Schluss welle es Föteli go mache ah sonere Wand mitem Logo vode Canucks ime Gang..sind denn darum vode Gruppe churz chli weggloffe zum das Foti go mache..! Eusi Leiterin hett denn aber es halbs Herzchriesi becho&isch eus schreiend hinterher grennt..STOOP STOOOOP hett sie gruefe...mir hend sie aber irgendwie ned wükli ghört&sind darum efach wiiter gwatschlet..!! Sie hett eus denn aber im Marathon-Spurt ihghollte&ahghalte...jaa..sie hett denn gmeint mir wend id Kabine vode Spiele ohni, dass sie's merkt...!!! hahahahaha sie hetts eus denn aber au ned wükli glaubt, wo mr gseit hend, dass mr nur hend welle es Foti mache..!!:-)) januu...zum Glück hett sie ihre Schock überlebt...sie hett eus denn aber für de Rest vode Tour nüme us de Auge glaah will sie eus nüme ganz traut hett!! haahhaah mir hend aber es riese Fest gha&eus vergrööölt!!:-)) Tour isch also super spannend&au sehr amüsant gsie.. vorallem au mal chöne so es Stadion vo ine z'gseh&Ort gseh, wo mr suscht nöd here chunt!!

Sind denn nacher alli hei gange...münd ja irgendwenn au mal na Ufzgi mache..&au ah eusem Album schaffe wo mr vo eusne Ladies becho hend!! Sind das fliessig am fülle&am drischriebe&alle drichlebe..!!:-))

 

Donnerstag, 27. Juni 2013 - MELONES BAR

Am Morge sind mr wie immer (oder fast immer) schön brav ide Schuel ghocket...! Sind denn nach de Schuel grad hei gange, willl d'Leandra mit de Anina abgmacht hett zum Skype!!:-)) Sind denn also de ganz Namittag dihei gsie&hend na packt für s'Weekend...es isch nemli vo Fritig bis Mäntig Rocky Mountains Tour ahgstande!!:-))

D'Larissa isch denn na churz zude Leandra go s'Gepäck bringe...sie pfuused nemli hüt bide Leandra, wills eifacher isch zum heichoo wenns spaat wird...&mir so chönd zeme heigaah!:-)) Am Abig sind mr denn id Melones Bar, will de Stöffi sin letschte Tag gha hett...hend det also mit allne nachli  gfestet&glached! Sind aber eimal meh di letschte gsie vo hei sind...unglaublich!! Debii sind mr amel gar nie so lang im Usgang...aber irgendwie isch das da normal dass mr zwüsched 1.00&2.00 hei gaht..sind alli chli pflichtbewusster als mir!! hahah sind denn darum au nüme viel länger bliebe...&hend ja zeme chöne heilaufe...jiphii!!:-)) &endlich wieder mal öper nebet eim im Bettli gha..hihii &morn hetts ja gheisse usschlaafe...gönd nemli ned id Schuel, will mr am 12.00 münd am Canada Place sii&hend gfunde, denn chönd mr ja grad all Stunde sause laah!! haha aso mr muss na sege, mir bruched 80% Ahweseheit ide Schuel..das heisst mir chönd 1 Tag ide Wuche fehle..liit aso voll drin!!;-) hihii

 

Freitag, 28. Juni 2013 - ROCKY MOUNTAINS (Revestoke)

Jeeeeh...hüt hetts gheisse ab  id Rockys!! Sind denn am morge nachli id Stadt&det na chli Fressalie für uf de Weg go poste...&en Banane-Nutella-Crèpe go esse zum z'Morgë...mhhh! Leider isch de Leandra ihre Crèpe ned ganz so guet ihpackt gsie, schlussendlich hett sie denn s'ganze Gsicht voll Schoggi gha...!!! hahaha

Nacher sind mr denn uf di 12ii an Canada Place...det hend mr in Bus 1 chöne ihstiege..hett insgesammt 2 grossi und 1 chline Bus gha..aso alles ih allem öpe 200 Lüüt...!! Mir sind zum Glück mit allne vode Klass im Bus gsässe!!:-) Hend uf de Fahrt es riiiiiese Fest gha...hend glaub selte so viel glached..aber isch ja klar wenn mr de Gerardo 5 Stund nebet sich het!! De isch nonstop öpis am mache...&d'Leandra gröllt sich immer eine ab ab ihm...aber hoffe mir überlebet die 4 Täg mit ihm..!!;-)) Sind denn am nachere lange Fahrt ih eusem Hotel in Revestoke ahcho..sind mit de Raquel und de Karina im Zimmer gsie! Sind zwei Brasilianerinne...!:-) Sind denn alli zerst mal go duusche&eus frisch gmacht..nacher sind mr id Hotelbar und hend det na was chlises gesse..! Di andere sind denn au all na cho..hend also nachli Party gmacht mit super Music&super Lüüt!!:-))

 

Samstag, 29. Juni 2013 - ROCKY MOUNTAINS (Banff)

Am Morge am 8.00 hend mr müsse bim Bus sii...da mir aber es paar Brasilianer ide Gruppe hend, isch das mit 8.00 leider nix worde...die kenned das nemli definitiv ned, dass mr pünktlich isch!! D'Raquel und d'Karina natürli scho..will sie ja mit eus unterwegs sind!!;-)) Hend denn uf eusere Fahrt es paar Stops ihgleit...s'beste isch de Lake Louise gsie...das isch en knüüütschblaue See...leider isch s'Wetter ned ganz so super gsie, darum gseht mrs uf de Bilder ned ganz so guet...aber isch wükli supermega schön gsie!! Sind denn det recht lang bliebe&hend nachli chöne umeschlendere! Als nächsts

sind mr denn churz vor Banff ahghalte...mir sind denn det uf d'Gondle...mr chan währed de ganze Tour so Zuesatz-Trips bueche..hend denn also di Gondle buecht!;-)) Isch eigentlich für eus Schwizer ned so spektakulär gsie...aso d'Ussicht isch natürli scho mega mega schön aber für die andere isch das alles na viel ihdrücklicher!:-)) hett eus aber trotzdem guet gfalle!!:-) Ufem Weg is Hotel hend mr denn na en Elch gseh am Strasserand!!!!:))))))))) hihi
Hend denn au na es Fest gha ab de Lärry..will sie di ganz Ziit Beer anstatt Bear gseit hett...aso immer wenn mr vo Bäre (Bear) gredt hend, hett sie's usgsproche als Bier (Beer)...hahaha hett also immer gsiet, dass sie unbedingt es Bier welli gseeh!!!;-)) haha Sind denn guet im Hotel ahcho&det au wieder mit de Raquel&Karina im Zimmer gsie..jippiih!!:-)

Am Abig sind mr denn all zeme im The Keg (Steakhouse) go z'Nacht esse...nacher sind mr na in Usgang..! Und mr glaubts ned...mir sind wieder mal als letschts heeii..&dass sogar ohni Alkohol!!! Heieieii...hends aber super luschtig gha&sind denn im Hotel au schnell ihgmützt!! TzzZZzzz...

 

Sonntag, 30. Juni 2013 - ROCKY MOUNTAINS (Valemount)

Hüt hend mr wieder müsse am 08.00 parat sii..vorher hend mr na zeme im Hotel z'Morge gesse..! Au hüt hend mr wieder viel Stops ihgleit..hend ah 3 verschiedene See ghalte...Moraine Lake, Bole Lake, Peyto Lake...sind alli supe mega schön gsie&au wieder so knüüütsch blau...das mal gseht mr viel besser uf de Fotis!!;-))) De Gerardo isch denn im einte See na en Schwumm go näääh...hahaha isch recht witzig gsie!!;-)) Die Landschaft da isch also wükli de absoluti hammer...sind richtig begeisteret vo all dene Ihdrück!!! Gfallt eus meega super guet!!:-))
Im Bus hend mr denn wieder fliessig spiele gspielt&glached!! Tut eusne Buchmuskle au guet..denn tuts chli speck verbrennte!!xD hahaha als nächsts sind mr denn zume Gletschter...das isch de zweiti Zuesatz-Trip gsie...mir sind aber di einzige Schwizer gsie wo mit gange sind...haha!! Hend beid na nie en Gletscher gseeh...isch also mega schön gsie..aber bizeli chalt!! De Gerardo hetts aber ned so chalt gfunde&isch denn obe ohne ufs Eis glege!! Brrrr....

Dä nächsti Stop isch den Jesper gsie...det hend mr chöne na Sache go poste&s'Dorf chli ahluege...mir sind denn det chli dur d'Strasse gloffe...sind denn ame Kino verbichoo wos so super mega fein nach Popkorn gschmöckt hett...hends natürli ned chöne lah&sind denn wieder eimal meh s'grösste Popkorn go poste wos git!!!!xD hahaha wie ihr gsehd, hend mir beid Popkorn seeehr gern..!:-))
Ufem Weg is Hotel hett d'Leandra mitem Gerardo nachli Musik glosed vo ihrem iPod...d'Lieder ufem iPod sind aber vo ihrem Fründ&er hett ihre amel paar Schlager-Lieder druftaah..will sie das ja so gern losed (ironisch!!)!!;-)) De Gerardo hett denn also di Lieder dureglosed...&bi eum hett er denn mitgsunge..."Ich bin solo, ich bin solo...scheissegal!"...hahahah de ganz Bus isch am lache gsie..aso uf jedefall alli Dütsche&Schwiizer...!!! hahaha sehr luschtig gsie!

Sind denn nachere lange Fahrt guet im nächste Hotel ahchoo...! Am Abig hend mr denn mit allne verusse es BBQ-Esse gha...aso bessergseit, es hett efach Burger gääh...!;-)) Hett au na es Lagerfüür gha, wo mr denn spöter all drumume gsässe sind...&hend na Marshmallow brötlet hend nach Amerikanischer Art...aso mit zwei Butterkecks und Schoggi..hends aber erstundlicherwiis na gern gha!!:-)) mhhh...Sind denn na lang lang verusse ghocket&hett gredet&glached mitenand..isch aso wükli en super mega tolle Abig gsie!!!:-))

 

Montag, 1. Juli 2013 - ROCKY MOUNTAINS (Canada Day)

Hüt isch bereits de letschti Tag vo eusere  Rocky Mountains Tour ahgstande..!!:-((( Sind denn am Morge wieder am 08.00 Uhr wiiter..hend denn nach 1 Stund en Stop gmacht..det sind mir denn uf d'Safari River Tour..das isch wieder so en Zusatz-Trip gsie..!:-)) Sind denn also mit dem Böötli uf de See gfahre&hend ghofft, dass mr en Bär gsehd....&glücklicherwiis hend mr eine gseh!!!!! Sind am Ufer nahgfahre&hend ihn so super guet chöne beobachte...er isch au am Ufernagloffe...isch mega spektakulär gsie, so ein wilde Bär hutnöch chöne gseh&beobachte!!!! Isch en junge männliche Braunbär gsie..!:-)) Grizzlys hend mr leider ned chöne gseh, will diä eher ide Berge lebed...hend denn au na zwei Adler gseh..!:-)) Hett mega Spass gmacht&isch uu schön gsie so z'mitzt ide Natur chöne sii...!:-)

Hend denn nacher na chöne z'Morge esse det...hett Strawberry Pancakes gääh...mhhh!!:-)) de nächsti Stop isch denn en Wasserfall gsie...nacher hend mr denn an bime See ahghalte..! Sind denn det au na go bade...hend aber eusi Badchleider ned debi gha&darum chli müsse improviesiere!! haha hett aber super mega guet taah bi dem heisse Tag chöne go bade..!:-) Zrug im Bus hend mr denn relativ schnell  gmerkt, dass d'Küehlahlag nüme funktioniert...mit 50 Lüüt ih eim Bus isch es denn schnell heiss worde...hend eus all eine abgschwitzt im Bus...isch soooo unglaublich heiss gsie!!!! Nach öpere 1 Stunde hend mr denn müsse ahhalte binere Tankstell will e jungi Frau vo Arabie im Bus überhitzt isch...sie isch denn halbe is Koma gheit...gar  ned toll gsie!! Hend denn darum nüme chöne witerfahre...&will eusi Fahrt na wiiteri 5 Stunde duured, hend mr denn en neue Bus müsse haa..! Hend denn also 2 Stund det müsse warte uf de neu Bus...aber das isch eus allne lieber gsie, also 5 Stund im andere Bus heifahre..!!!! Die jungi Frau hett sich denn aber ih dene 2 Stund zum Glück wieder erholt&isch ihre nacher wieder guet gange..! Sind also denn schlussendlich mit verspötig in Vancouver ahchoo...hett aber au was guet ah sich gha will hüt isch Canada Day gsie, also so wie 1. August ide Schwiiz...&mir hend denn grad na chöne z'Füürwerk go luege!!!;-)) isch also en super schöne  Abschluss gsie für das absolut perfekte Weekend!!! Hends mega gnosse&hend es super Ziit gha mit allne det...isch mega lässig gsie&hend viel glached mitenand!! Wenn mr jetzt dra denked, dass mr am Samstig scho wieder münd gaah, tuts eus leid...hend di Lüüt da alli richtig gern becho&gnüssed di Ziit da unglaublich mit ihne!!!:-))

 

Wie ihr gsehnd, hend mir da also e super schöni Ziit&gnüsseds richtig..!! Hend mega tolli Lüüt kenneglernt&hend richtig de Spass...!:-)))

Nomal sorry vielmal für die Verspööötig...s'nächst mal ghöred ihr denn am Fritig vo eus...aso hoffed mr uf jedefall!!;-) Danke viel viel mal für's ineluege&lese...!!! Wünsched eu e super Ziit&bis glii!

 

KISSES&HUGS
L&L