06/04/2013 - 06/07/2013

Will mir eu so gern ufem laufende haltet, brichtet mir wieder mal vo eusne Erlebnis da in NY!:)) &wie mr ghört hend wird euse Blog au vo allne fliessig glese...aso lohnt sich eusi Arbet ja sogar na!!!!:)))))

 

De Zischtig (04.06.2013) hend mr wie üblich uf de Schuelbank verbracht!! Die Wuche sind "Phrasal Verbs" ufem Programm gstande *hatehatehate*!!! Nach dem stränge Morge sind mr denn froh gsie wo mr im Zimmer gsie sind..! Hend denn beid na mit eusne liebste gskyped! Nacher hend mr eus denn uf de Weg in Bronx Zoo gmacht. Bronx isch oberhalb vo Manhatten&sind mit de Subway det here...sehr spannends aber au bizli erschreckends erlebnis gsie eusi Hifahrt! In Bronx lebed eher Lüt vode untere Schicht...&vorallem au dunkli! Das hend mr denn recht schnell gmerkt...je nöcher mir uf  Bronx zuecho sind, desto weniger Bleichgsichter hetts gha ide Subway!!! Sind denn schlussendlich di einzige gsie..isch eus darum au nüme ganz wohl gsie!! Aber sehr ihdrücklich gsie das chöne erlebe...hends eus nemli ned so extrem vorgstellt!! Zum Glück hetts det ide Subways aber viel Security-Manne...denn fühlt mr sich biz sicherer!!:)) Mir hends aber zum Glück heil id Bronx gschafft&au de Zoo relativ schnell gfunde! Hend super guets Wetter gha, ned z'heiss aber gnau richtig! Isch en wunderschöne Zoo...vode grössi her verglichbar mitm Züri Zoo...ev. biz grösser!! Aber hett eus glanget..laufed ja suscht de ganz Tag scho gnueg ume!!!! haha hend natürli au Föteli gmacht vode Tierli (siehe New York Ordner)! Hett aber vode Tierarte her ned viel oberspezielli Tier gha det...aber isch super schön gsie..vorallem au mal wieder chli us de Stadt usecho&chli Bäum&so um eim ume z'haa!!:)) unglaublich wie fest mr Grünzeug chan vermisse!!!!xD

Am Abig hend mr denn nüme so viel gmacht...hend denn na fein gchoched...hett Penne mit Zugetti&Broccoli (eimal meh Zugetti...d'Larissa hett ih ihrem ganze Lebe na nie so viel Zugetti gesse wi ih dene 4 Wuche NY!!!) Aber sie hetts au richtig gern becho!!:) 

Am Mittwuch (05.06.2013) hend mr wieder döffe d'Phrasal Verbs go lerne...!-.- Am Namittag hend mr eus denn d'Velo-Tour dur de Central Park vorgno..!!:) Bis mir aber zu eusne City-Bikes cho sind isch vermuetlilch fast länger gange als eusi Velo-Tour!!! Hend die Velostation grad ide nöchi gha vo eusere Residenz...sind denn also det here&ade ersti Kaste here wo mr gseh hend..! Hend det denn schön brav eusi Batzeli inegrüert...isch aber denn ned viel passiert...bis denn en Herr zu eus cho isch&gfraget hett, ob mir euses Auto wölled parke.!! Jaaa de erst besti Kaste wer e Parkuhr gsie!! Ups...guet denn hett de liebi Herr eus denn de richtig Kaste zeiget...det sind mr denn here&hend vo vorne ahgfange...hett eich alles klappet bis mr hend müsse zahle...leider hett de Cheib d'Kreditkarte ned welle fresse!!!!! Hend denn eh jungi Dame gfraget ob sie eus chan helfe&ihre Kreditkarte gäh zum zahle..so fründlich wie d'New Yorker sind, hett sie eus natüli ghulfe...wo sie denn ihri KK ineghebet hett, hend mr gmerk, dass sie diä nur rasch ineschiebt und grad wieder usenimmt..das wer denn au s'Problem gsie, wieso de Kaste eus KK ned hett wele lese!!!! Olé zweits Problem isch behobe gsie...also hend mr nomal vo vorne ahgfange...hett alles klapped bis zum Schluss..bis er gmotzt hett, de Vorgang chöng im Moment ned duregfüert werde!!! Huuuuiiii...langsam sind mir zwei stinkig worde! Hend denn en Herr fürelah wo hett müsse warte, bis de sch*** Kaste frei wird..hend denn gfunde mir lueged obs bi dem klapped...aber war ja klar...bi ihm hett alles wie am Schnüüürli klappet!!!*WTF?!* also guet...mir hends darum namal probiert...&es WUNDER isch gscheeh, bim dritte Ahlauf hetts denn au bi eus klapped!!!!!! Mir hend eusi Velo-Tour also nach 30 super ahsträngende und nerveuftribende Minute chöne starte!!:)) hett sich aber definitiv glohnt...hend de ganz Nami uf eusne Velos verbracht&sind dur de ganz Central Park cruised!!! Isch richtig schön gsie&hend super schöni Plätzli gfunde!:)) &zu allem ane hend mr eus au na biz sportlich betätigt!! hihii

Am Abig sind mr s'LION KING MUSICAL go luege!! Isch mega mega mega super toll gsie!!! Hends absolut fantastisch gmacht mit de Musik&de Kostüm&allem drum&dra!!! Sehr sehr empfehlenswert...au wenns eher tüür gsie isch aber hett sich wükli glohnt!!!:))) nacher hend mr eich na id Turtle Bay Bar welle, wo mr mitem Vincenzo scho mal gsie sind (remember: 1$ für 1 Bier jede Mittwuch!!)...hend eus det eigentlich mitem Rob welle treffe. Er isch en Amerikaner wo au im gliche Stock wohnt wie mir...hend ihn mal bim choche kenne glernt..&will das eusi letschti Wuche isch in NY hend mr eus mit ihm na welle treffe!!:) wo mr aber det ahcho sind, hetts e riese Schlange gha...hett eus darum biz ahgurkt so lang ahstah&sind denn is Lucy's na öpis go trinke!! Dummerwiis hend mr aber vom Rob kei Nummere&nix gha&ihm darum ned chöne Bscheid gäh! *uuuups* Sind denn nach dem lange aber mega tolle Tag is Bett gheit&grad ihpfuuuused!! ZzzZzzzZzzz...good night&sweet dreams!

Huuii...scho fast euse letschti Tag ahbroche in NY! Am Dunnstig (06.06.2013) wie üblich am Morge School!! Will mr aber ide letschte Wuche sind, hend mr na müsse so en Online-Frageboge go usfülle&so schriftliche Kram go erledige darum isch de morge denn au schnell umegange!!:) Nach de Schuel hett d'Larissa denn na es Pfüsi gmacht&d'Leandra na paar Sache müsse erledige...z.B. Päckli hei schicke!!:) &mir hend na Ufzgi gha...Präsentation vo dim Land...die hend mr au na müsse vorbereite&bizli lerne!!;)) Spöter hend mr eus denn de Highline-Walk vorgno!! Das isch e alti Zugstrecki wo höchgleit isch&ez chasch drüberlaufe...hend mr bi eusere Bus-Tour erfahre, dass es di git!!;)) Isch wunderschön gmacht mit viel Pflanze&Bänkli&allem!! Erholig in NY ufem kürzischte Weg!:)) Eus Walk isch denn aber schneller fertig gsie als mr denkt hend..! Sind denn darum na chli wiiter dur d'Stadt gloffe (isch ja ned so, dass mr ned scho gnueg würed laufe di ganz ziit!)...hend vorgha am Abig im Little Italy go z'Nacht esse so als Abschluss!! Sind denn darum vode Highline is Little Italy gloffe...!:) Zum Glück hett eus euses Gfühl de richtig Weg zeigt - viellicht au meh Glück gha als Orientierig!! Uf jedefall sind mr denn det fein go italienisch esse!! Richtig guet gsie!:) Will mr aber vom Vortrag recht kabutt gsie sind, sind mr nacher denn zrug is Zimmer&scho bald go pfüüsele..!!

LAST DAY - Friday, 07.06.2013

Unglaublich schnell umegange di Ziit in NY! Ide Schuel hend mr eigentlich im grosse&ganze nur Präsentatione glosed vode andere..&natürlich eusi vortreit!!:) isch recht amüsant gsie was vode andere Länder z'ghöre! Mir hend vorallem sochli vom Lebe&Esse&Kultur vode Schwiiz verzellt...als Abschlussgschenkli hend mr denn am Schluss na Jooodler-Musik laufe laah&Lindor-Schoggichugle verteilt! *mhhhh* hend sich all drüber gfreut...isch ja au klar wills di best Schoggi isch!!!!:))))))

Nach de Schuel hend mr denn eigentlich nur öpis vorhga...PACKE! &es hett sich definitiv glohnt, sich en halbe Tag für das reserviere..!! Eusi Köffere sind am platze...ich hoffe die sprengts währed em Flug ned uf!! Mir hend na nie sooooo viel Gepäck gha wie daa (&vermuetlich au dementsprechend viel Übergepäck!!)...also was lernend mr drus - ned so viel go shoppe in NY! Vorallem man bemerke, mr sind mit halb leere Koffere cho..! Aiaiaaiii...d'Leandra hett sich sogar vo 1 Paar NEUE Schueh müsse trenne...(natürli hend mr eusi alte Schueh au daglaah!)...sie hetts genau 1x chöne ahlegge!! Aber isch au verständlich, dass 10 paar neuei Schueh kei Platz hend...nebet all dene neue Kleider!! Wükli unvorstellbar...aber ja suscht hetts eich alles in Koffer gschafft...ussert so Utensilie wo mr kauft hend zum da lebe...wie Pfanne&Seife&Schwämm&so sache...aber das bruched mr ja au ned in Vancouver!!;)) Nach dem stränge&nerveuftriebende Namittag sind mr denn na us eusne letschte Nahrigsmittel was go choche...na s'letsch mal Zuccetti!!;)))) Nacher hend mr eus na mit de Sophie&em Rob im Lucy's troffe..hend de Rob ja glich na welle gseh, nachdem mir ihn am Mittwuch versetzt hend!! Sind denn na recht lang det verhocked..aber hend na en tolle letschte Abig mit ihne verbracht!!:) 

Jaa...das wärs gsie vo NY! Eusi Reis gaht ez wiiter uf Vancouver...münd am 4ii ufstah..will euse Flüge am 7nii flügt! Darum ned viel Schlaf ahgseit!!-.- 

Mir freued eus ez aber riesig uf Vancouver..det chömed mr ja getrennt ih Familie...sind richtig gspanne!! Eus hett New York aber uf jede Fall gfalle&hend da eh super tolli&spannendi Ziit döffe erlebe mit gaaaaaaaanz viel CRAZY PEOPLE!:))) Das isch euses Stichwort zu NY - Crazy People! Aber mir empfehleds jedem di Stadt mal go ahluege..lohnt sich uf jede Fall!!:)) &suscht Ursi/Tobi oder d'Strohmeiers frage..di hend ja ez au Erfahrige chöne sammle det!!;))

Soo euse nächsti Blog chunt denn vo Vancouver!:) hihii

Wünsched eu allne bis det here alles Gueti&bis glii!!!:))

BYE BYE NEW YORK!!!!

L&L

HugHugHugHugHugHug